Boshlang’ich sirtqi ta’lim yoʻnalishi 9-3 btu s-18 guruh talabasi mirzoyeva maftunaning

Yangi mavzu bayoni.
Biz so'rayapmiz. Demak, bolalar, xabar beradigan gaplardan tashqari so'rash mazmunini bildiradigan gaplar ham bo'lar ekan. So’roq mazmunini bildirgan gap so'roq gap deyiladi.
- Bolalar, qani o'ylab ko'ringlar-chi, so'roq gaplar qachon, nima uchun ishlatiladi? Sizlar so'roq gaplardan o'z nutqingizda foydalanasizlarmi? So'roq gap oxiriga qanday belgi qo'yiladi? So'roq gapga misollar keltiring.
O'quvchilar o'zlari tuzgan so'roq gaplarni sinf doskasiga, qolganlar esa o'z daftarlariga yozadilar. O'qituvchi ularni qoida va misollar bilan mustahkamlaydi.
Darslik bilan ishlash:
O'quvchilar bergan javoblarini darslikdagi qoida va misollar bilan to'ldiradi va boyitadi. 86- 88- mashqlar shartiga ko’ra bajariladi.
1) O'qituvchi darak gap va so'roq gaplardan tuzilgan diktant o'tkazadi. O'quvchilar biror mavzuda yozilgan diktant matnidagi darak gaplarni daftarlarining chap tomoniga, so'roq gaplarni esa o'ng tomoniga yozadilar.
Darak gaplar: 1. Men bugun teatrga bordim.
2. Men bugun kutubxonadan qiziqarli ertak kitob oldim.
3. Bizlar ertaga sirkka bormoqchimiz.
4. Men oyimga sovg'a olmoqchiman.
5. Bizlar shanba kuni sinfimizdagi o'quvchilar bilan sayr qilishga chiqmoqchimiz.
So'roq gaplar:
Nimaga bugun maktabga kelmading? Akmal, sening ukang necha yoshda?
Samad, bugun muzeyga borasanmi? Nasiba, sen qaysi bekatda tushasan?
Manzura, sen uyingda oyingga yordam berasanmi?
Doskaga qiz va o'g'il bola, koptok, paxta, gul, quyosh rasmlari ilinadi. Va o'qituvchi o'quvchilarga doskadagi rasmlarga qarab gaplar tuzish topshirig'ini beradi. O'quvchilar topshiriqni bajarib bo'lgandan so'ng navbat bilan o'qiydilar.
84-mashq.Matnni o’qing.Berilgan savollarga matndan javob topib yozing.
1.Kitoblardan nimalarni bilib olasiz?
2.Kitob nimalarga o’rgatadi?
85-mashq.O’qing.Matnda nechta gap bor,ular qanday gaplar?Ajratib ko’rsatilgan so’zlarga so’roq bering.Shu so’zlar o’rniga so’roq ifodalovchi so’zlarni qo’yib,gaplarni qayta o’qing.yozing,tegishli tinish belgilarini qo’ying.