Бошқарув тизимининг структурали схемасини ишлаб чиқиш

Дастур таъминотининг структураси
АБТ нинг ҳар бир поғонаси учун дастур таъминотини танлаш шу поғонанинг функционал қўлланилиши ва боғланиш учун мос келиши билан боғлиқ.
Дастур таъминотининг тўла тўплами тбошқарув тизимининг поғоналари бўйича тақсимланган ва қуйидагиларни ўз ичига олади:
- АБТ диспетчерлик пункти дастур таъминоти;
- АБТ операторлик дастур таъминоти;
- бошқарув контроллерларининг дастур таъминоти:
- умумий тизим дастурий таъминоти


АБТ диспетчерлик пункти дастур таъминоти
Нефтни узатиш станциясида вентиляция тизими тугунидаги технологик жараённи диспетчерлик назорати қилиш вентиляция ва ҳимоя диспетчерлик станцияси орқали амалга оширилади.
Диспетчерлик назорати босқичи иккита ишчи станция орқали берилган: маълумотлар базаси сервери ва диспетчерлик персоналининг автоматлаштирилган иш жойи.
Маълумотлар базаси сервери сифатида Microsoft SQL Server 7.0 ва Web-сервер Microsoft IIS 5.0 дастур таъминоти ўрнатилган алоҳида иш ўрни ишлатилади.
АБТ юқори поғонасининг дастурий таъминоти
Оператор-технологлар ишчи станциясида STEP 7 SCADA-пакети ўрнатилган. STEP 7 технологик жараёнларни назорат қилиш ва бошқариш учун интеграциялашган инсон-машина интерфейсига эга бўлган дастурий таъминотдир. Бу интерфейс ёрдамида контроллерлар ва бошқа техник воситаларга уланиш ва ахборот алмашиниш мумкин.
STEP 7 қуйидагиларга имкон беради:
- график объектларни OLE контейнерлар кўринишида ActiveX бошқарув элемнтлари учун очади. Бу бошқа ишлаб чиқарувчилар график маълумотларини ишлатиш имконини беради;
- объект моделини бошқа функционал имконият учун ишлаб чиқиш;
- Visual Basic for Application (VBA) ни ички дастурлаш тили сифатида интеграциялаш. Бу ўз новбатида лойиҳани созлаш имкониятини беради;
- OPC стандартини сервер учун ҳам, мижоз учун ҳам қўллаш. Бу бошқа ишлаб чиқарувчилар аппарат воситаларига боғланиш имконини беради.


АБТ қуйи поғонасининг дастурий таъминоти
Бошқарув тизимининг дастур таъминоти Simatic S7-300 контроллерлар учун бажариладиган алгоритмлар тўпламидан иборат. Улар тизимли дастур таъминоти ёрдамида ишлаб чиқилаётган амалий дастур таъминотини ташкил қилади.
Алгоритм ёрдамида қуйидаги функциялар амалга оширилади:
- ахборотларни йиғиш ва қайта ишлаш;
- АБТ технологик жиҳозларини автоматик бошқариш ва ҳимоялаш;
- Оператив техник ходимнинг автоматлашган иш жайи (АИЖ) билан маълумот алмашиш.
Бошқарув алгоритмларини ишлаб чиқиш ва технологик жиҳозларни ҳимоялаш ҳамда уни контроллерга юклаш STEP 7 дастурий пакетининг 5 ва ундан юқори ҳолатлари орқали амалга оширилади. Бу дастурий таъминот релели-зина мантиқий тили ёрдамида бошқарув алгоритмларини шакллантиради. STEP 7 дастурий пакети инженерлик станциясида ноутбук типидаги компьютерда ўрнатилган.


Умумий тизимнинг дастурий таъминоти
Умумий тизимнинг дастурий таъминоти- бу операцион тизим бўлиб, унинг ёрдамида АБТ таркибига кирувчи барча ишчи станциялар ишлайди. Бу лойиҳада Windows XP операцион тизими ишлатилади. Операцион тизим дастурий жараёнларни бошқаради, ҳисоблаш комплексининг ресурсларини дастурлар ўртасида тақсимлайди (киритиш-чиқариш, оператив ва ташқи хотира каналлари, оператор билан алоқани ташкил қилиш).