Бошқа тармоқларда бухгалтерия ҳисобининг хусусиятлари

Дебет 
1030 « Омбордаги ёқилғи» 
Кредит 
6010 «Товар етказиб берувчилар ва пудратчиларга
тўланадиган счётлар» 
б) таъминотчиларга тўланадиган ҚҚС суммасига: 
Дебет
4410 «Бюджетга солиқлар ва йиғимлар бўйича бўнак тўловлари»
Кредит 
6010 «Товар етказиб берувчилар ва пудратчиларга
тўланадиган счётлар» 
Агар ёқилғи бўйича таъминотчиларга тўланган ҚҚС суммаси келиб 
тушганда тўлиқ 4410 «Бюджетга солиқлар ва йиғимлар бўйича бўнак 
тўловлари» счётнинг дебетига олинган бўлса, у ҳолда ой охирида шаҳар 
йўловчи транспорти учун ишлатилган ёқилғи ҳисоб-китоби асосида уларга 
тўғри келувчи ҚҚС суммаси ёқилғи таннархига тикланади. Ушбу тикланган 
суммага қуйидагича ёзув қилинади: 
Дебет 
1030 «Омбордаги ёқилғи» 
Кредит 
4410 «Бюджетга солиқлар бўйича бўнак тўловлари»
Ихчамлаштирилган 
солиқ 
режимида 
ишловчи 
автотранспорт 
корхоналарида таъминотчилардан келиб тушиши ёқилғининг қиймати юқорида 
келтирилган ёзувда ҚҚС суммаси билан биргаликда акс эттирилади. 
АТВларни ёқилғи билан бошқа юридик шахсларнинг АЁҚШлари орқали 
таъминлаш ҳам шартнома асосида амалга оширилади. Ушбу усулда 
автотранспорт корхонаси шартнома тузилган юридик шахсга олдиндан тўлов 
суммасини ўтказади. Ёқилғини олиш учун автотранспорт корхонаси ўз 
экспедиторига юридик шахс бўлган АЁҚШ номига ишончнома ҳамда расмий 
хат билан ёқилғи қуйиладиган АТВларнинг рўйхатини беради.
Юридик шахс бўлган АЁҚШда берилган ишончнома ҳамда ёқилғи 
қуйиладиган АТВларнинг рўйхати асосида автотранспорт корхонаси номига 
ҳар ойга алоҳида тарқатиш қайдномаси очилади. Унда ёқилғи берилган сана, 
АТВнинг давлат белгиси рақами, йўл варақаси рақами, берилган ёқилғи тури, 
унинг миқдори, суммаси, ҳайдовчининг фамилияси, исми кўрсатилади. 
Олинган ёқилғи миқдорини ҳайдовчилар қайдномада ўз имзолари билан 
тасдиқлайдилар. 
Ой охирида тарқатиш қайдномасида берилган ёқилғининг миқдори ва 
суммаси жамланади. У юридик шахс бўлган АЁҚШ бошлиғи, бош ҳисобчиси ва 
ёқилғини берган оператор томонидан имзоланади ҳамда муҳр билан 
тасдиқланади. Тарқатиш қайдномасининг бир нусхаси счёт-фактура билан 
биргаликда автотранспорт корхонасига тақдим этилади.

---

Автотранспорт корхонасида юридик шахс бўлган АЁҚШдан бевосита
ҳайдовчилар жавобгарлигига олинган ёқилғи тақдим этилган счёт-фактура ва 
тарқатиш қайдномалари асосида бухгалтерия ҳисобида қуйидаги ёзув билан акс 
эттирилади: