Бошқа тармоқларда бухгалтерия ҳисобининг хусусиятлари

9420 “Маъмурий-бошқарув харажатлари”-
ушбу счётнинг дебетида йил 
мобайнида бошқарувга доир харажатлар ( иш ҳақи, ижтимоий суғуртага 
ажратмалар, амортизация харажатлари, сафар харажатлари, телефон алоқаси ва 
бошқа шу каби бошқарув билан боғлиқ харажатлар) акс эттирилади. 
Харажатларнинг аниқ турлари ушбу счётнинг дебетида ва бу харажатларни 
ифодаловчи счётларнинг кредитида (0200, 0500, 1000, 5110, 5010, 6710, 
6520,6990 ва бошқа счётлар) акс эттирилади.

---

9430 “Бошқа операцион харажатлар” -
ушбу счётнинг дебетида йил 
мобайнида савдо корхоналарининг сотиш ва бошқарувдан ташқари 
умумфаолиятига доир давр харажатлари (моддий ёрдам, компенсацион 
тўловлар, мулкни сотишдан ва беришдан кўрилган зарарлар, турли хизматлар 
ва бошқа шу каби операцион харажатлар) акс эттирилади. Харажатларнинг 
аниқ турлари ушбу счётнинг дебетида ва бу харажатларни ифодаловчи 
счётларнинг кредитида (1000, 5110, 5010, 6400, 6710, 6520, 6990, 9210, 9220 ва 
бошқа счётлар) акс эттирилади.
Молиявий фаолиятга доир харажатлар
ҳисоби
. Савдо ва умумий 
овқатланиш корхоналарининг молиявий фаолиятга доир харажатларига
қимматли қоғозларни чиқариш ва жойлаштириш, валюта операциялари, кредит 
ва қарзларни олиш, узоқ муддатли ижарага доир ва бошқа молиявий фаолиятга 
тааллуқли харажатлар киради. 21-сон БҲМС га мувофиқ савдо ва умумий 
овқатланиш корхоналарининг молиявий фаолиятга доир харажатлари ҳисоби
қуйидаги счётларда олиб борилади: 
9610 “Фоиз кўринишидаги харажатлари”-
ушбу счётнинг дебетида йил 
мобайнида савдо корхоналари томонидан олинган қарзлар ва кредитларга доир 
ҳисобланган харажатлар, шунингдек узоқ муддатли ижара учун тўловлар акс 
эттирилади. Харажатларнинг аниқ турлари ушбу счётнинг дебетида ва 6920 
“Ҳисобланган фоизлар” счётининг кредитида акс эттирилади.