Бошқа тармоқларда бухгалтерия ҳисобининг хусусиятлари

Ишлатилиш мақсадига кўра
автотранспорт корхоналари АТВлари 
йўловчи ташиш, юк ташиш ва махсус ишларга мўлжалланган бўлади. 
Йўловчи ташишга
мўлжалланган АТВларга автобуслар, микроавтобуслар 
ҳамда такси сифатида ишлатиладиган енгил автомобиллар киради.
Юк ташишга
мўлжалланган АТВларга бортли, фургонли, ўзи тўкгич 
(самосвал), тортгичли автомашиналар, шунингдек уларнинг тиркамалари ва 
яримтиркамалари мисол бўлади. 
Махсус иш (хизмат)ларни бажаришга
мўлжалланган АТВларга сув, сут, 
ёқилғи, нон ва бошқа турдаги юкларни ташувчи, шунингдек махсус ишларни, 
масалан қурилиш мосламалари ва конструкцияларини кўтариш, синдириш, 
янчиш машиналари, ёнғин ўчириш, аҳлат ташиш, асфальт йўлларни қор ва 
музлардан тозалаш, супириш, сув сепиш каби ишларни бажарувчи 
автомобиллар киради. 
Барча турдаги ушбу АТВ ишлаб чиқилган жойи, номи, маркаси, истеъмол 
қиладиган ёқилғи турига кўра бир биридан фарқланади.
Ишлаб чиқилган жойига кўра 
АТВ хорижий мамлакатларда ҳамда 
мамлакатимизда ишлаб чиқарилган автомобилларга бўлинади. Чунончи,
республикамиз автотранспорт корхоналарида Россия, Белоруссия, Германия, 

---

Япония ва дунёнинг бошқа мамлакатларида, шунингдек республикамизнинг 
ўзида ишлаб чиқилган 100 дан ортиқ номдаги ва турли маркалардаги АТВлар 
ишлатилмоқда. 
Истеъмол қиладиган ёқилғи турига кўра
АТВлар бензин (Б), дизель 
ёғилғиси (Д), шунингдек суюлтирилган газ (СГ) ҳамда сиқилган табиий газ 
(ТГ)да ишлайдиган автомибилларга бўлинади.
Номи бир хил, лекин маркаси турлича бўлган АТВлар уларга 
сарфланадиган ёқилғининг базовий меъёрлари бўйича ҳам бир-биридан 
фарқланади (18.1-жадвалга қаранг).
18.1-жадвал 
Автотранспорт воситаларининг айрим турлари бўйича ҳар 100 км