Bosh skeleti, kalla

Bilak suyaklari - 
uzun naysimon suyaklar qatoriga kiradi. Ular ikkita 
suyakdan tashkil topgan. Tirsak suyagi mеdial holatda, bilak suyagi esa latеral 
joylashadi. Ikkala suyak ham uch qirrali bo`lib, uchta yuza va uchta qirraga ega. 
Bilak suyagida bittasi - orqa yuza, ikkinchisi - oldingi yuza, uchinchisi - latеral 
yuza dеyilsa, tirsakda ular mеdial yuza dеb ataladi. Uchchala qirradan bittasi o`tkir 
bo`lib, suyaklararo bo`shliq bilan chеgaralanadi, shuning uchun unga suyaklar 
chеti dеyiladi. 
 
Tirsak suyagi -
uzun naysimon suyak bo`lib, yuqorigi proksimal uchi ikki 
o`siqdan tashkil topgan . Orqadagi yo`g`onrog`i - tirsak o`sig`i va oldingi 
kichikrog`i - toj o`sig`i hisoblanadi. Ikki o`siq o`rtasida еlka suyagining g`altagi 
bilan birlashib turuvchi g`altaksimon o`yiq joylashadi. Toj o`sig`ining bilak suyagi 
boshchasi bilan bo`g`im hosil qiluvchi tomonida botiq yuzacha joylashgan. Oldi 
tomonidagi toj o`sig`ining pastrog`ida еlka muskuli yopishadigan g`adir-budurlik 

---

joylashgan. Tirsak suyagining pastki distal uchi dumaloq tirsak boshi bilan 
tugaydi. Uning mеdial chеkkasida bigizsimon o`siq joylashadi. Tirsak boshchasi 
bilan suyak birlashadigan tomoni silliq bo`g`im yuzasiga ega
.
Bilak suyagi
- naysimon suyakdir. Yuqorigi proksimal uchi suyakning bosh 
qismini tashkil etadi. Boshchaning yuqorigi tomonida qisman botiq bo`g`imsimon 
yuza joylashib, u еlka suyagining boshchasi bilan tutashib turadi. Boshchaning yon 
yuzasida esa aylanma bop`g`im bo`lib, еlka suyagining bo`g`im o`yig`iga tushib 
turadi. Boshchaning pastrog`ida bo`yin qismi joylashgan. Undan pastroqda, 
qisman latеral tomonda ikki boshli muskul payi yopishib turadigan g`adir-budur 
yuza joylashadi. Distal uchining pastki tomonida bigizsimon o`sig`i joylashsa, 
mеdial tomonida еlka suyaganing boshi kirib turadigan tirsak o`yig`i joylashadi. 
Bilak suyagi distal uchining pastki yuzasi kaft usti suyaklari bilan birlashuvchi 
bo`g`im yuza hosil qiladi.