Бош мушаклари. Чайнов ва мимика мушаклари: хусусиятлари, топографик ва функционал анатомияси. Бош ва бўйин соҳасини тери ости ёғ қатлами

Функциси: қовоқни юмади, қош терисини пастга тортади, лунжни юқорига тортади, кўзни юмади кўз ёш халтасини ва кўз ёш каналини кенгайтиради.

2. Қошларни яқинлаштирувчи мушак (m. corrugator supercilii)

• Кўзнинг айлана мушагидан ва энса-пешона мушагидан чуқурроқ жойлашган. Қошусти равоғини медиал қисмидан бошланади. Қовоқнинг ўрта қисми терисига бирикади. Вазифаси: қошни пастга ва медиал тортади, кўзларни ёруғликдан ҳимоя қилади. Баравар қисқарганда қошларни бирлаштиради.

Буруннинг айлана мушаклари 1. Бурун мушаги (m. nasalis)

Икки қисмдан ташкил топади – кўндаланг ва қанот.

• Кўндаланг қисми (pars transversa), ёки бурун қанотларини сиқувчи мушак (m. compressor naris), кесув тишларининг альвеолаларидан бошланади, юқорига ва медиал йўналиб, қарама-қарши томондаги мушак толалари билан аралашиб кетади.
• Қанот қисми (pars alaris) ёки бурун катагини торайтирувчи мушак (m. dilatator naris), латерал кесув тиши ва қозиқ тишлари альвеолаларидан бошланади, толалари юқорига ва олдинга йўналади. Бурун учига ва бурун қаноти терисига бирикади.

Функцияси: кўндаланг қисми бурун тешигини торайтиради, қанот қисми бурун қанотини пастга ва ёнга тортади, бурун катагини кенгайтиради. Нафас олганда фаоллашади.

2. Бурун тўсиғини туширувчи мушак (m. depressor septi nasi)

• Медиал ва латерал кесув тишларини альвеоласи ва олдинги бурун қиррасидан бошланади, бурун тўсиғини ҳаракатчан қисмига бирикади. Рудимент ҳолатида бўлади.
• Функцияси: бурун тўсиғини ва бурун учини пастга тортади, нафас олганда бурун катакларини кенгайтиради.

3. Такаббурлик мушаги (m. procerus)

• Пирамида шаклидаги кичик мушак. Бурун суяги ва латерал бурун тоғайини юқори қисмидан бошланади. Қошлар ўртасини терисига бирикади. Энса-пешона мушагини пешона қоринчаси толалари билан чатишиб кетади.
• Функцияси: қошни медиал қисмини пастга тортади, бурунни илдизи сохасида кўндаланг ажинлар ҳосил қилади.