Бош мушаклари. Чайнов ва мимика мушаклари: хусусиятлари, топографик ва функционал анатомияси. Бош ва бўйин соҳасини тери ости ёғ қатлами

Оғиз атрофи мушаклари 1. Оғизнинг айланма мушаги (m. orbicularis oris)

• Оғизни ўраб турувчи мушак толаларини мураккаб аралашмаси бўлиб, 2 қисмдан ташкил топган: лаб pars labialis ва чекка pars marginalis қисмлари.

Оғизнинг айланма мушаклари

2. Юқори лабни ва бурун қанотини кўтарувчи мушак (m. levator labii superioris aleque nasi), юқори жағни пешона ўсиғини юқори қисмидан бошланади, пастга тушаётганда медиал ва латерал тутамларга бўлинади. Медиал тутами бурун қанотини катта тоғайига ва уни терисига, латерал тутами юқори лабга давом этиб, бурун-лаб эгатини терисига ёпишади.

Функцияси: латерал тутами юқори лабни кўтаради, медиал тутами бурун қанотини кўтаради, бурун катагини кенгайтиради.

3. Юқори лабни кўтарувчи мушак (m. levator labii superioris), юқори жағ ва ёноқ суягини foramen infraorbitale дан бошланади. Юқори лабни терисига бирикади.

Функцияси: юқори лабни кўтаради, бурун-лаб эгатини чуқурлигини ўзгартиради

Оғизнинг айланма мушаклари

4. Кичик ёноқ мушаги (m. zygomaticus minor), ёноқ суягини латерал юзасидан, sutura zygomaticomaxillaris ни орқа томонидан бошланади. Юқори лабдаги бошқа мушаклар билан аралашади

Функцияси: юқори лабни кўтаради, бурун-лаб эгатини чуқурлаштиради, юқори лабни табассум вақтида букади.

5. Катта ёноқ мушаги (m. zygomaticus major), ёноқ суягини sutura zygomaticotemporalis ни олди томонидан бошланади. Оғиз бурчагига давом этади ва оғиз айланасини бошқа мушаклари билан чатишиб кетади.

Функцияси: кулганда оғиз бурчагини юқорига ва латерал томонга тортади.

Оғизнинг айланма мушаклари

6. Оғиз бурчагини кўтарувчи мушак (m. levator anguli oris), юқори жағни қозиқ чуқурчасидан foramen infraorbitale дан пастда бошланади. Оғизнинг бурчагида оғизнинг бошқа айланма мушаклари билан чатишиб кетади.

Функцияси: табассум вақтида оғиз бурчагини кўтаради, бурун-лаб эгатини чуқурлаштиради.

7. Пастки лабни пастга туширадиган мушак (m. depressor labii inferioris), пастки жағни linea obliqua дан, ияк симфизи ва ияк тешигидан бошланади. Пастки лабни териси ва шиллиқ пардасига бирикади. Пастдан m. Platysma га давом этади.