Borliq shakllari

Harakat va sokinlik
Harakatni tinchlik, sokinlik bilan taqqoslaganda uning tezligi, sur'ati namoyon bo'ladi. Harakatni barcha davr mutafakkirlari mutlaq, ya'ni absolyut jarayon deb bilgan, chunki harakatsizlik hyech nima bilan teng. Jismlar harakatlangani tufayli o'zgaradi. Harakatning muayyan lahzadagi oniy holati tinchlikdir. Lekin, tinchlik, sokinlik nisbiy, o'tkinchi holatdir. Masalan, tinch turgan tosh boshqa toshlarga nisbatan, qolaversa, yer yuzasiga nisbatan tinch holatda. Ammo u sayyoramiz bilan birga yer sharini bir sutkada, Quyosh atrofini esa bir yilda 1 marta to'liq aylanib chiqadi. Undan tashqari toshning tarkibidagi ximiyaviy molekulalar, atomlar, zarrachalar beto'xtov harakatdadir. Toshning sirti ham tashqi ta'sirlar - issiq, sovuq va shamollar ta'sirida o'zgarib boradi. U issiqda kengayadi, sovuqda torayadi. Qor va yomg'irlar tosh sirtini yemirib boradi. Toshning sirtini asta-sekin kichik mikroorganizmlar, zamburug'lar, mayda o'tlar qoplab oladi. Bu jarayonlarning barchasi uning harakatda
XULOSA
Borliq, uning mohiyati, tarkibiy tuzilishi, vujudga kelishi va rivojlanishi haqida ushbu kitobda biz aniqlashga erishgan imkoniyat doirasidagi bilimlarga ega bo'ldingiz. Bu bilimlar hozirgi zamon tabiiy-ilmiy fanlari o'rtaga tashlagan kechagi va bugungi asosiy natijalarga, xulosalarga asoslanib sistemalashtirildi. Ma'lumki, olamning tabiiy-ilmiy manzarasi doimo o'zgarib, takomillashib boradi, ayrim xulosalar eskiradi, yangilari pay do bo'ladi. Biz bu ma'lumotlarni falsafiy jihatdan umumlashtirishga, bu bilimlarni bir-biriga bog'lashga harakat qildik. Ammo, bu bilimlarni yakunlangan bilimlar sifatida qabul qilmaslik lozim. Olamning tuzilishi va rivojlanishi uzluksiz jarayondir. Tabiiy-ilmiy va falsafiy fanlar bu jarayonni kuzatib, muayyan xulosalar chiqarib boradi. Eski tasavvurlar inkor etiladi, ularning o'rnini yangi tasavvur va nazariyalar egallab boradi.
Borliq haqidagi bu bilimlar olamning falsafiy va tabiiy-ilmiy manzarasini kengroq miqyosda anglashga sizga yordam bersa, biz o'z mehnatimiz bexuda ketmaganligi uchun nihoyatda minnatdor bo'lamiz.