Book · May 020 citations reads 4,215 13 authors

Маҳсулот 
сифатини 
назорат 
қилувчи 
ишлаб 
чиқариш 
лабораторияси. 
Одатда, бу лаборатория маълум бир фармацевтик ишлаб 
чиқариш корхоналарига келтирилаётган субстанция ва бошқа хомашёлар 
сифатини назорат қилиш, шу корхонада дори воситаларини ишлаб 
чиқаришнинг оралиқ ва охирги босқичларида сифат назоратини амалга 
ошириш каби вазифалар юклатилган ҳолда ташкил этилади. Ишлаб чиқариш 
лабораториясида лаборатория синовлари билан биргаликда, маҳсулот 
сифатига алоқадор барча масалалар билан боғлиқ фаолиятни амалга 
оширади. Уларга намуна олиш, спецификациялар ва синовлар ўтказиш билан 
боғлиқ тадбирлар, сотувлар учун рухсатномаларни расмийлаштириш, 
ҳужжатлаштириш ва беришни ташкил қилиш каби тадбирлар киради. Бу 
ҳужжатлар зарур текширувлар ҳақиқатан ўтказилганлигини, сифати 
қониқарли, деб топилмагунга қадар бошланғич хомашё ҳамда материаллар 
ишлатиш учун рухсат берилмаганлигини, тайёр маҳсулот эса сотиш ва 
етказиб бериш учун рухсат берилмаганлигини кафолатлайди. 
Ҳар бир фармацевтик корхона ўз тузилмасида сифатни назорат қилувчи 
ишлаб чиқариш лабораториясига эга бўлиши керак. Сифат назорати 
технологик жараёнлар (ишлаб чиқариш)дан мустақил равишда фаолият 

---

550 
юритиши зарурдир. Ишлаб чиқариш лабораторияси корхонанинг бошқа 
бўлимлардан мустақил бўлиши, малакали ва етарли билимга эга бўлган шахс 
раҳбарлиги остида ва синов маркази сифатида ваколатлаган ҳолда иш 
юритиши керак. 
Лабораториянинг жиҳозланиши, шунингдек, тузилиши ва штатлар 
сонини белгилаш учун ишлаб чиқариш хусусияти, ҳажми ва назорат 
жараёнларининг мураккаблигини ҳисобга олинган ҳолда амалга оширилади. 
Ишлаб чиқариш зарурияти ва бажариладиган иш туридан келиб чиққан ҳолда 
ишлаб чиқариш лабораторияси барча зарур хоналарга эга бўлиши керак. 
Корхона томонидан ишлаб чиқариладиган барча маҳсулотларнинг сифатли 
назоратини амалга ошириш учун лабораторияда белгиланган тартибга кўра 
зарур хоналарнинг (кимёвий назорат бўлими, микробиологик ва/ёки 
фармакологик бўлимлар) бўлиши талаб қилинади.