Book · January 017 citations reads 5,818 authors

Ta’ziya marosimlari etiketi 
Ta’ziya – bu ko‘ngil so‘rab, yupatish demakdir. Dinimizda ta’ziya shar’iy 
odat  bilib,  u  uch  kun  qilib  belgilangan.  Ta’ziyaga  borish  kerak  bo‘lgan  inson  urf-
odatlarimizni hurmat qilgan holda etiket bo‘yicha kiyinishi, o‘zini tutishi, muomala 
qilishi lozim. 
Janozada,  ya‘ni  ko‘mish  marosimida  faqat  erkaklar  ishtirok  etadilar.  Urf-
odatimizga ko‘ra, mayit chiqqan xonadonda 3 kun ovqat pishirilmaydi. Bu oilaning 
yaqin qarindoshlari qo‘ni-qo‘shnilari tomonidan ovqat chiqariladi.  Bugungi kunda 
o‘tkazilayotgan  yigirma,  qirq,  yil  oshi  kabi  marosimlar  dinda  asli  bid’at 
hisoblanadi.  Lekin  ota-ona  ruhini  shod  qilib  turish  biz  uchun  farz.  Buning  uchun 
alohida marosim qilib eslashni o‘zi kifoya qilmaydi.  
Hamonki,  mazkur  odatlarga  yillar  davomida  xalqimiz  amal  qilib 
kelayotgan  ekan,  mazkur  sanalarda  hayr-ehson,  “amri-ma’ruf”  (insonlarni 
yaxshilikka  buyurish)  sifatida,  ixcham  shaklda,  isrofgarchiliksiz  o‘tkazilsa, 
maqsadga  muvofiq  hisoblanadi.  Barcha  marosimlar  isrofgarchiliksiz  amalga 
oshirilishi shart. O‘zi “qo‘l uchida kun ko‘rib”, butun umri davomida yiqqan mol-u 
davlatini  bir  kunda  “sochib”  yuborish  hech  kimga  baxt  keltirmaydi.  Biroq  buning 
aksi  bo‘lishi  mumkin.  Buning  ustiga  bunday  isrofgarchiliklar  iqtisodiy 
qiyinchilikni  “ko‘tarolmay”,  pul  topishning  nohalol  yo‘llariga  undashini 
unutmaslik lozim.