«Bolani o'yin o'ynashdan to'sish va tinimsiz ta'lim olishga majburlash bolaning qalbini o'ldiradi, zehnini pasaytiradi, hayotini zaharlaydi» Imom G'azzoliy Kirish

«Bolani o'yin o'ynashdan to'sish va tinimsiz ta'lim olishga majburlash bolaning qalbini o'ldiradi, zehnini pasaytiradi, hayotini zaharlaydi»
Imom G'azzoliy
Kirish
Maktabgacha ta'lim tashkilotida pedagogning vazifasi- bolaning ham aqliy, ham jismoniy, ijodiy rivojlanish sohalarini namoyon eta olishini ta'minlovchi kundalik faoliyatni qiziqarli tashkil etishdir.
Bizga ma'lumki bola rivojlanishi va tarbiyasida faoliyatning muhim turi hisoblangan o'yin faoliyatining ahamiyati juda kattadir.
Maktabgacha yoshdagi o'yin bola shaxsini, uning xarakterli xususiyatlarini ochib beruvchi, shakllantiruvchi samarali vositadir.
Mashhur pedagog A. S. Makarenko bolalar o'yinlarining rolini ta'riflab, bola hayotida o'yinni xuddi kattalarning ish faoliyati bilan tenglashtiradi. Bolaning o'yin jarayonida namoyon etadigan qirralari - uning hatto kelajakdagi hayotini belgilab berishi asosli manbaalarda mavjud.
Birlashgan millatlar tashkilotining "Bola huquqlari to'g'risidagi konvensiya" ning 31-moddasida belgilanishicha bolalar yoshiga mos o'yinlarda ishtirok etish huquqiga ega. Bu yerda o'yin bola rivojlanishining yetakchi manbai sifatida ko'rsatiladi.
Maktabgacha ta'lim tashkiloti guruhi xonasida rivojlantirish markazlarini tashkil etishda tarbiyalanuvchilarning rivojlanishida o'yin faoliyatini yetakchi rolini inobatga olish kerak. Bu esa o'z navbatida, har-bir bolaning hissiya farovonligini ta'minlaydi. Unda ijobiy tuyg'ularni shakllantiradi, dunyoga insonlarga o'ziga to'g'ri munosabatda bo'lish, turli hamkorlik shakllariga kirishish ko'nikmalarini rivojlantiradi-bu esa maktabgacha ta'limning asosiy maqsadlari hisoblanadi.
O'yin turlari juda rang-barang:
1. Harakatli o'yinlar
2. Tinch o'yinlar
3. Ixtiyoriy o'yinlar
4. Qoidali o'yinlar
5. Didaktik o'yinlar
6. Sport o'yinlari
7. Syujetli rolli o'yinlar va h.k
Agar o'yin to'g'ri tashkil etilsa bu- bola faoliyatining qiziqarliligini ta'minlaydi. Kichik maktabgacha yoshdagi bolalar yaxshilikka o'ch bo'lishadi. Shuning uchun pedagog ota-onalarga bolalar kelajagini ta'minlovchi aqlli o'yinlar va ta'limiy o'yinlar jihozini iolib berishlarini tavsiya qiladilar.
O'yinning bola rivojlanishidagi ahamiyati shundaki - bola tayyor bilimlarni olmasdan mustaqil ravishda izlanadi. Insonda ruhiy qobiliyatlar, muloqot qobiliyati shakllanib boradi