Болаларда юракнинг норевматик касалликлари

3. Миокардда метаболизмни яхшилаш мақсадида қилинаётган тадбирларга яна ионлар поляризациясини меъёрлаштирувчи аралашма берилади(10% глюкоза эритмаси 10-15 мг/кг миқдорда, 1 ЕД инсулин ҳар 3 г қандга нисбатан, панангин 1 мл/ёш, 2-5 мл 0,25% новокаин эритмаси билан биргаликда), рибоксин 0,5-1 таблетка кунда икки маҳал бир ой мобайнида берилади.
4. Периферик вазодилятаторлар (ПВ):

• 
  Артериолаларни кенгайтирувчилар: Гидролазин, Фентоламин, Тропофен
  
• 
  Веноз томирларни кенгайтирувчилар (нитратлар): Нитроглицерин, Мольцидамин, Оликарп, Индур
  
• 
  Ҳам веноз, ҳам артериолалар тонусини пасайтирувчи (кенгайтирувчи)лар: Нитропруссит, Прозасин, Тримазосин
  

4. 
   Гормонотерапия.
   

Глюкокортикоидлар қўллашга кўрсатма бўлиб, юрак етишмовчилигининг диффуз жараёнда кечиши, касалликнинг ўткир ости шаклига ўтаётганлигидан дарак берувчи белгиларнинг секин-аста пайдо бўлиши, кардитлар юрак ўтказучи системаси зарарланиши билан бирга кечишининг кузатилишидир. Преднизолон таблеткаси 1-1,5 мг/кг бир ой мобайнида ичишга 1/3-1/4 таблеткадан 3-4 кун болаларнинг дастлабки 3 ёшгача бўлган ҳаётида, ½ таблетка катта ёшдаги болаларга берилади. Эффект етарли бўлмаганда преднизолоннинг миқдорига қўшимча 0,5 мг/кг/сут бир неча ҳафта мобайнида қўшиб берилади.


ДИСПАНСЕРИЗАЦИЯ ВА РЕАБЛИТАЦИЯСИ
Мутаххасис кўриги частотаси:
Стационардан йўлланма олиб диспансеризация қилинган бемор болалар дастлабки 3 ойда бир марта, 6-9 ой-квартал ҳисобида бир марта, ундан кейинги 6 ой мобайнида эса яна бир марта педиатр, кардиоревматолог, ЛОР-врач, стоматолог, аминохинолин препаратлари билан даволаниш мобайнида – окулист бир марта 3-6 ойда, бошқа мутаххасислар эса кўрсатмаларга асосан тиббий кўрикни ташкил этишлари керак.
Қайта кўрик вақтида қуйидагиларга диққат қилиш керак:

• 
  касаллик интеркурренция частотасига, температура, НК белгилари, юрак ўлчами, тонларга алоҳида аҳамият берилади, юракдаги шовқинларга, унинг динамикасига, жисмоний зўриқишдаги реакциянинг адекватлигига.