Болаларда юракнинг норевматик касалликлари

МАВЗУНИНГ ДОЛЗАРБЛИГИ

Кейинги йилларда болаларда юрак ва қон томирлари тизими касалликларининг нозологик таркибининг ўзгарганлиги, жумладан: Ревматизимнинг (оғир кечувчи тез–тез қайталанувчи шаклларнинг) салмоғи сезиларли камайганлиги билан бир қаторда, тобора кўпчилик ҳолларда норевматик кардитлар (НК) ташхиси аниқланмокда.

Ҳозирги замон клиник биокимёси, ирсий иммунологик ва техник текшириш усуллари ёрдамида нафақат юракнинг орттирилган ва туғма касалликларини (нуқсонлари), балким норевматик кардитларни барвақт аниқланиши, қиёсланиши, сифатли даволаниши ва олдини олишга эришилмоқда.
Норевматик кардитлар огир окибатларга олиб келишини инобатга олган холда, биз врачлар кардитларни келтириб чиқарувчи сабабларни, клиник манзараси, комплекс даволаш ва олдини олиш чора-тадбирларини билишимиз патологик жараёнларни кучайиб кетишини тўхтатиш, асоратларнинг олдини олиш, организмнинг ташқи таъсирларга мосланувчанлигини яхшилаш чора-тадбирларини ишлаб чиқиш борасида изланишлар олиб боришимиз керак. Бу билан биз болалар орасида ногиронликни ва ўлимни камайтиришга эришамиз.


ХУЛОСА

Кейинги йилларда норевматик кардитлар кардиологиянинг асосий илмий текшириш ва мунозаравий мавзуларидан бири бўлиб қолмоқда. Йилдан-йилга вирусли касалликларнинг салмоғи ошиши билан улар асоратининг сони, хусусан кардитлар сони ҳам ошиб бормоқда.

Болалар ўртасида кардитлар катталарга нисбатан кўпроқ учрайди. Патанатомик текширувлар кўрсатгичи бўйича (аутопсия) кардит болаларда 6,8%, катталарда 4% ни ташкил қилар экан, касалланиш билан ўлган болалар аутопсиясида 2,3 – 8% гача тўсатдан ўлган болалар аутопсиясида 17% гача кардит бўлгани аниқланган.
Юқорида баён қилинган фикр-мулоҳазаларни ва масаланинг жуда долзарблигини инобатга олиб, бўлажак педиатлар ушбу касалликларни этиопатогенезини, клиник манзараларини тўлароқ билишлари, барвақт ташхис қўйишлари, қиёсий ташхис ўтказишлари, сифатли, замонавий усулларда даволашни сифатли йўлга қўйишлари натижасида болалар орасида ногиронликни ва ўлимни камайтиришга эришишлари мумкин.
Шу кабиларни ҳисобга олиб биз бу борада ёш ота-оналарга мунтазам равишда санитар-оқартув ишларини олиб боришимиз керак. Шу билан биргаликда биз бу касалликнинг клиник белгилари ва уларнинг келтириб чикарувчи оқибатлари ҳақида етарли билим ва кўникмага эга бўлиб, беморларга сифатли ёрдам кўрсатиш учун доимий изланишимиз керак булади.