Bolalar nafas tizimini yoshiga ko`ra anatomik-fiziologik xususiyatlari. Tеkshirish usullari. Instrumеntal tеkshirishlar

Mikrobiologik metod.

Bronxial ajralma, burun bo`shlig`i va halqumdan olingan mazok tekshiriladi. Plevral suyuqlikni bakterioskopik va bakteriologik tekshirish zarur.

Allergologik metod.

Allergenlar bilan teri (applikatsion, skarifikatsion), teri ichi va provokatsion sinamalar qo`llaniladi. Turli allergenlarga maxsus IgE mavjudligi va IgE umumiy miqdori aniqlanadi. (7-31 rasmlar).

Tashqi nafas funksiyasini tekshirish.

Spirograf yordamida o`pkaning tiriklik sig`imi, o`pkaning umumiy sig`imi, nafas olish rezerv hajmi, nafas chiqarish rezerv hajmi, funksional qoldiq sig`im, qoldiq hajm, nafas olish yoki chiqarishda havo oqimi tezligi (forsirlangan tiriklik sig`imi, 1 sekundda nafas chiqarish forsirlangan hajmi, o`pkaning tiriklik sig`imidan nafas chiqarishning maksimal tezligi 25, 50, 75% ni tashkil qiladi.)

Pikflumetriyada shaxsiy qo`llaniladigan turli modifikatsiyadagi portativ qurilmalar yordamida (pikfloumetr) maksimal ekspirator oqimni belgilaydi. Ko`pincha ertalabki va kechki ko`rsatgichlarni baholash foydaliroq, ertalab bronx kengaytiruvchi preparatlar qabuligacha va kechqurun ularni qabul qilgandan so`ng. Pik ekspirator oqim o`zgaruvchanligi bemor holati barqarorligi va og`irlik darajasiga bog`liq. Pikfloumetr yordamida astma monitoringida bronxial obstruksiya qaytishini; kasallik kechish og`irligini baholash; bronxlar giperreaktivlik darajasini; astma qo`zishini taxmin qilish, davo effektivligini baholash mumkin

Qonning gaz tarkibini aniqlash.

Kapillyar qondagi kisloro­da va karbonat angidrid to`yinganligi va yana pH aniqlanadi. Qonning gaz tarkibini uzoq vaqt uzluksiz nazorat qilish zarur bo`lsa dinamikada qonning kislorod bilan to`yinganligini teri orqali aniqlanadi. (saturatsiya).