Bolalar kiyimini tikish texnologiyasi

Nazorat savollari:

1. 
   Kiyim tikishda uchraydigan nuqsonlarni sanab bering.?
   
2. 
   Kiyim tikishda eng ko`p uchraydigan kamchiliklar qaysilar?
   

30-Mavzu: Tayyor kiyimdagi nuqsonlarni belgilash.
Reja:

1. 
   Tayyor kiyimdagi nuqsonlar.
   
2. 
   Tayyor kiyimlarning nuqsonlarini hususiyatlari.
   

Tayanch iboralar:Yelka choklari, ort bo'lak, yon chok, yeng qiyamasi, yeng uchi.
Yelka choklari ort bo'lak tomonga surilgan, old bo'lak yuqori ko'tarilgan bo'lsa (77-1 rasm), bunda ort bo'lak bo'yi gavdaga mos emas. Bu kamchilikni yo'qotish uchun, butun yelka qirqimi va yoqa o'mizi bo'ylab moslash qo'yimini chiqarib, ort bo'lak uzaytiriladi. Agar moslash qo'yimi kam bo'lsa yoki bo'lmasa, ort bo'lakni etakdagi chok haqi hisobiga uzaytirib, yon chok bo'ylab yuqori ko'tariladi. Yeng o'mizi shuncha chuqurlashtiriladi.
Yeng uchi ko'tarilib turadigan bo'lsa (77- m rasm), bunda yeng qiyamasi kalta bo'lib qolgan. Bu kamchilikni yo'qotish uchun yeng qiyamasining balandligi qiyamadagi yoki yeng uchidagi tikish haqi hisobiga uzaytiriladi.
Yeng yuqori tomonidagi old qismida ko'ndalang xaltimlar bo'lsa (77- n rasm), bunda: a) yeng qiyamasi tor; b) yeng noto'g'ri ko'klab o'tqazilgan. Buni yo'qotish uchun: a) yeng qiyamasi kengaytiriladi; b) yeng qiyamasining eng yuqori nuqtasi suriladi.
Ko'krakdagi qabariq joydan yuqoriroqda bo'rtma chizig'i bo'ylab kiyim shalvirab qolgan bo'lsa (77- o rasm), bunda bo'rtmadagi ko'krak vitachkasi kalta bo'lib qolgan. Buni yo'qotish uchun, vitachka ko'krak qabarig'ining yuqori nuqtasigacha uzaytiriladi.
Old qism barlari ochilib ketadigan bo'lsa (77- p rasm), bunda kiyim balansi buzilgan bo'ladi: a) old bo'lak uzunligining belgacha bo'lgan uzunligi ortib ketgan; b) bo'ksa aylanasi o'lchamining miqdori kamayib qolgan, kiyim bo'ksa chizig'i bo'ylab tor bo'lib qolgan.
Buni yo'qotish uchun: a) ortiqcha gazlama old bo'lak tomondan yelka chokiga qo'shilib yo'qotiladi va yoqa o'miz o'yig'i chuqurlashtiriladi; b) yon chokdagi moslash qo'yimi chiqarib yuboriladi.
Old bo'lak barlari bir-biri ustiga ancha o'tib ketgan bo'lsa (77- q rasm), bunda kiyim balansi buzilgan: old bo'lak uzunligining belgacha bo'lgan miqdori kamayib qolgan. Buni yo'qotish uchun, old bo'lak yelka qirqimining va yoqa o'mizining moslash qo'yimi chiqarib yuboriladi.
Nazorat savollari:

1. 
   Tayyor kiyimlarda qanday nuqsonlar uchrashi mumkun?
   
2. 
   Old bo'lak uzunligining belgacha bo'lgan uzunligi ortib ketsa qanday bartaraf etiladi?