Bolalar kiyimini tikish texnologiyasi

Taqilmalarga va yuqori qirqimga ishlov berish

Yon choklarga, odim choklarga va o’rta chokka ishlov berilgandan keyin taqilmalarga ishlov berishga kirishiladi. Shimdagi taqilma chap yon chokning yuqorisida yoki old qirqim chizig’ida bo’ladi. Yon chokdagi taqilma temir ilgakli, izma va tugmali yoki molniya-taqilma shaklida (maxsus tikilgan shimlarda) bo’lishi mumkin.
Shimdagi ilgakli taqilmalarga va molniya taqilmalarga ishlov berish yubkalardagi yon taqilmalarga yuqorida yozilgandek ishlov berishga o’xshash bo’ladi.
Taqilmaning uzunligi 18-20 sm bo’lishi kerak. Boshqa taqilmalarga nisbatan molniya taqilmaning qator afzalliklari mavjud (tashqi ko’rinishi chiroyli, ishlatilishi qulay, ishlov berish oson). Taqilma chap yon chokning, orqa va old bo’laklar o’rta choklarning yuqori qismiga tikiladi. Molniya-taqilmaning to’qilgan lentasi o’ngi tomonidan ikki usulda bezak baxyaqator yuritib puxtalanadi: yon chok chizig’ining ikki yonidan bir xil oraliqda va shu chok chizig’ining ikki yonidan har xil oraliqda va shu chok chizig’ining ikki yonidan har xil oraliqda baxyaqator kiyim gazlamasi rangiga mos ipak ip bilan yuritiladi. Molniya taqilma bo’g’inlari birlashtirilganida chok haqlari tagida ko’rinmay qolishi kerak. Yon choklar biriktirib tikilgandan, yo’rmab bo’lganidan, yorib dazmollangandan, taqilma qirqimlari yotqizib dazmollangandan keyin taqilmaga ishlov beriladi.
NAZORAT SAVOLLARI
1. Shim old qirqimlarini ishlashda chok kengligi qancha bo’ladi?
2. Shim yon qirqimlari qanday chokda tikiladi?
3. Cho’ntak og’zi cho’zilmasligi uchun nima qo’yiladi?
4. Shim qirqimlari nechanchi klass mashinada yo’rmalanadi?
5. Shim adip qirqimlarini ishlash qirqimini sxemasini ko’rsating?
6.Bichuv stolining razmeri nimaga bog’liq?
7.Shim old bo’lagida nima uchun taxlama ishlanadi?
8.Shim old bo’lagidagi bostirma chok o’ng tomondan qancha kenglikda bostirib tikiladi?

21-Mavzu: O’g’il bolalar kombenzonini qadalish qismlariga ishlov berish..
Reja:

1. 
   Old bo’lak taqilma o’rnini dazmollash;
   
2. 
   Old bo’lakka molniya taqilmani tikish;
   
3. 
   Old va ort bo’lak yon, odim, yelka qirqimlarini biriktirib tikish;
   
4. 
   Tikilgan choklarni dazmollash;
   
5. 
   O’rta qirqimini tikish;