Болалар ёшида учрайдиган тиш каттик

 
5.4.6. Aralash shaklli flyuoroz. 
Aralash belgilar mavjud bo`lgan flyuorozning bu shakli ota-onalar 4,5 
oylikdan 3 yoshgacha bo`lgan bolalarni ftor konsentratsiyasi yuqori ichimlik suvi 
mavjud xududlarga bir necha bor olib borib, ma’lum vaqt turganliklari oqibatida 
sodir bo`ladi. Ichimlik suvining xar xil konsentratsiyali ftor moddasini tutishi 
oqibatida shunday sharoitga tushgan bolalar tishida flyuorozning bir necha xil 
klinik ko`rinishi kuzatiladi.

---

90 
Kasallikning klinik kechishining og`ir yoki yengilligiga qarab bemorlar 
kosmetik nuqsonga, tishlar sezgirligini oshishiga, tishlar toj qismlarini sinib 
tushishiga va patologik siyqalanishga shikoyat qilishlari mumkin.
Rentgen tasvirda chuqur kavaklar, defektlar soxasida qoraygan soxalar, 
dog`lar aniqlanadi. 
Aralash shakldagi flyuoroz o`ziga o`xshash klinik belgilari mavjud bo`lgan: 
kariyes, irsiy tugallanmagan amelogenez, emal gipoplaziyasi, eroziyasi, nekrozi va 
ponasimon nuqsonlar bilan qiyosiy tashxis qilinadi. 
Flyuoroz xastaligi profilaktikasi maqsadida quyidagilar tavsiya qilinadi: 
1.
Ichimlik suvi manbalarini o`zgartirish, ichiladigan suvni filtrlash. 
2.
Faqat kaynatilgan suv ichish, sharbatlar, sut iste’mol qilish. Suvni muzlatib, 
keyin eritib iste’mol qilish. 
3.
muvofiklashgan (ratsional) ovqatlanishni to`g`ri tashkil qilish. 
4.
Iloji boricha bolalarni (ayniqsa 4 yoshgacha bo`lgan) ftor konsentratsiyasi 
ichimilik suvida yuqori regionlardan tez-tez olib chiqish, bir muddat boshqa 
xududlarda yashash. 
5.
Tishlarni tarkibida kaltsiy saqlovchi tish pastalari bilan yuvish. 
6.
Yangi tug`ilgan bolalarni iloji boricha sun’iy ovqatlantirmaslik va erta 
definitiv (qozon ovqat) ovqatga o`tkazmaslik. 
 
Flyuoroz xastaligini davolash. 
Flyuoroz xastaligini davolash usulini tanlashda 
uning shakli e’tiborga olinadi. YEngil shakllarida (bo`rsimon, xol-xol, dog`li 
shakli) maxalliy oqartirish va reminerallashtiruvchi davolash muolajalari 
o`tkaziladi. Og`ir shakllarida shikastlanish darajasini, chuqurligini, bemorning 
yoshini inobatga olgan xolda zamonaviy plomba ashyolari: glassionomer, 
kompomer, kompozitlarning kimyoviy va nurda qotuvchi turlaridan foydalanib 
restavratsiya-anatomik shaklini tiklash muolajalar o`tkaziladi. Tish toj qismlari 
yemirilishi tiklash ishlariga imkoniyat bermagan xollarda ortopedik usullar 
qo`llanishi tavsiya etiladi.