Болалар ёшида учрайдиган тиш каттик

 
5.4.4. Flyuorozning eroziya shakli. 
Flyuorozning mazkur shaklida kuchli rang o`zgargan tishlar toj qismi satxida 
ayrim joylarda yemirilish oqibatida emal qavat mavjud bo`lmaydi. Shu soxalar 
eroziyaga uchragan bo`lib, ularning chetlari kuchli pigmentlashgan, bo`rsimon tus 
olgan, emal yaltiroqligi butunlay yo`qolgan, oson uqalanadigan, sinib tushadigan 
va oqibatda xar xil shaklli va o`lchamli kavak-bo`shliqlar xosil qiladi. Bu xosil 
bo`lgan kavaklar satxi notekis, g`adir-budir bo`lib, sarg`imtir yoki jigarrang tusda 
bo`ladi. Ularning rangini to`q yoki ochligi kavaklar chuqurligiga va xosil bo`lgan 
vaqtiga bog`liqdir.
Flyuorozning bu shakli uchun emal va dentin qavatlarining kuchli patologik 
siyqalanishi xarakterli belgilardan biri xisoblanadi. 
Bemorlar issiq, sovuq xaroratlar ta’siridan sodir bo`ladigan og`riqlarga, 
kosmetik, estetik nuqsonlarga, emalning yorilib sinib tushishishga, siyqalanishiga 
shikoyat qilishadi. Rentgen tasvirda chuqur kavaklar qoramtir dog`lar shaklida 
aniqlanadi. 
 
5.4.5. Destruksiya shaklidagi flyuoroz. 
Flyuorozning mazkur shakli ichimlik suvida ftorning yuqori konsentratsiyasi 
mavjud bo`lgan (10 mg/l va undan oshiq) xududlarda yashagan insonlar, bolalarda 
uchraydi. Bunda tishlar emal qavati juda mo`rtligi katta bo`laklarining tezda sinib 
tushishi oqibatida tish toj qismi anatomik shakli buziladi, atipik shaklni oladi. 
Emal, dentin qavatlari kuchli siyqalanishga uchraydi. Flyuorozning bu shakli emal 
va dentin qavatlarini shikastlantiradi. Tish toj qismida ko`plab o`ydim-chuqurlar 
bo`lib, ular xar xil chuqurlik va o`lchamlarga ega bo`ladi. Zond yuritilib ko`rganda 
og`riq sodir bo`lishi kuzatiladi. 
Bemorlar kosmetik nuqsonga, tish toj qismining uqalanib sinishiga, issiq, 
sovuq haroratdan sodir bo`ladigan og`riqlarga, giperesteziyaga, siyqalanishga 
shikoyat qilishadi. Rentgen tasvirda o`ydim-chuqurlar katta qoramtir dog` sifatida 
namoyon bo`ladi.