Bolalar adabiyoti o‘zbekiston respublikasi oliy va o‘rta maxsus ta’lim vazirligi

Yig‘ilishning oxiri
1 5
Yig‘ilishning so‘ngida
Muallim nutq so‘zladi:
— Bolalar, majlisingiz
Muhim ishni ko‘zladi.
Siz ko‘targan masala
Asosiy masaladir.
Shu asosda baxtiyor
Jamiyat yasaladi.
Buni bilar ekansiz,
Òan berdim hammangizga.
Aqlli bolasizlar!
Balli! Qoyilman sizga!
Gapirmagan bir odam
Qolmadi ichingizda.
Hammani qiziqtirgan
Ma’no bor ishingizda.
Menga yoqdi judayam
Bundagi olishuvlar,
Shunday olishar doim
Olovlar bilan suvlar.
Ra’no chiqdi, masalan,
Gurillagan o‘t bo‘lib,
Asror hisga berilsa,
Gaplarini cho‘rt bo‘lib.
Anglash mumkin Ra’noni;
Chirqillamas bekorga...
13 Bolalar adabiyoti
www.ziyouz.com kutubxonasi

---

1 9 4
Gard yuqmasin, deydi u
Dabdurustdan Asrorga.
Ra’no juda aqlli,
Prinsipli,  odil qiz.
Do‘stini pok saqlashga
Hamma vaqt ham qodir qiz.
Asrorning chiqishi ham
Chakana chiqish emas,
Uncha-muncha bilimdon
Hech kelolmas unga bas.
O‘z fikrini asoslab
Keltirdi qancha dalil.
Unga qarshi so‘zlash-chun
Aylanmas, hattoki til.
Ha, Asror ham aqlli,
Pishiq va puxta bola.
Lekin boshqa ayblari
Vijdoniga havola.
Rahimjon ham aqlli,
So‘zlayversam jo‘yasiz.
Lekin gapirsa agar
Xursand bo‘lib qo‘yasiz.
Asror bilan o‘rtada
Bo‘lmaganday biror gap,
O‘tgan ishni unutib,
Zarracha ham bo‘lmay chap,
Kichik bir taklif bilan
O‘rtaga fayz kiritdi.
Mana endi, do‘stlarim,
Majlis ham yaxshi bitdi:
Ha, majlis yaxshi bitdi:
Do‘stlar sinaldi bir-bir.
Hammaning ham ko‘nglida
Hech qolmadi shubha, kir.
Oq yo‘l sizga, bolalar,
Òilayman faqat oq yo‘l
Yutuqqa erishsangiz,
Demak, bizning baxt ham mo‘l.
Sizga o‘qilgan darslar
Ketmabdi, deyman, bekor...
www.ziyouz.com kutubxonasi

---

1 9 5
Òo‘lan Nizom
(1938- yilda tug‘ilgan)
Òo‘lan Nizom Andijon viloyatining Bo‘z tumanida tavallud
topgan. U Andijon pedagogika institutida o‘qib yurgan kezlarida she’riy
mashqlari vaqtli matbuotda e’lon qilingan. Bugungi kunda shoirning
20 dan ziyodroq turli nomdagi kitoblari chop etilgan. Shoirning
„Sening ertaklaring“, „Yoshlik bayozi“, „Iftixor“, „Quyosh yo‘li“,
„Ona tilim, ona elim“, „Andijonda bir qush bor“, „Cho‘lpon“,
„Chaman ichra“, „Muqaddas ruh“ kabi to‘plamlari yosh
kitobxonlarning dillariga quvonch ulashib kelmoqda.