Bojxona rejimlari haqida tushuncha va ularni qo’llanilishi

Yo’q qilish. Yo’q qilish shunday rejimki, bunda chet el tovarlari boj, soliqlar va iqtisodiy siyosat choralari qo’llanilmagan holda bojxona nazorati ostida yo’q qilinadi, shu jumladan ular foydalanish uchun yaroqsiz holga keltiriladi.

Tovarlarni yo’q qilishga bojxona organining ruxsati bilan yo’l qo’yiladi.

Ruxsatnoma qonun hujjatlarida belgilangan tartibda beriladi.

Tovarlarni yo’q qilish manfaatdor shaxs tomonidan o’z hisobidan amalga oshiriladi.

Tovarlarni yo’q qilish natijasida hosil bo’lgan chiqindilar bojxona nazorati ostida turgan chet el tovarlari sifatida tegishli rejimga joylashtiriladi.

Yo’q qilib tashlash uchun ruxsatnoma berish rad etilgan taqdirda tovarlar ularni olib kirgan shaxs hisobidan O’zbekiston Respublikasidan tashqariga olib chiqib ketiladi.

Davlat foydasiga voz kechish.

Davlat foydasiga voz kechish shunday rejimki, bunda shaxs tovarlarga nisbatan boj, soliqlar va iqtisodiy siyosat choralari qo’llanilmagan holda ulardan davlat foydasiga voz kechadi.

Tovarlarni davlat foydasiga voz kechish rejimiga joylashtirishga qonun hujjatlarida nazarda tutilgan tartibda bojxona organining ruxsati bilan yo’l qo’yiladi.

Tovarlardan davlat foydasiga voz kechish davlatning xarajatlar qilishiga sabab bo’lmaydi.