«божхона иши» фани 5-мавзу: Ўзбекистон Республикасининг божхона сиёсати (2 соат)

«БОЖХОНА ИШИ» фани
5-мавзу: Ўзбекистон Республикасининг божхона сиёсати (2 соат)
РЕЖА:
1

• Божхона сиёсатининг моҳияти

2

• Ҳозирги шароитда божхона сиёсатини амалга ошириш йўналишлари

3

• Божхона сиёсатининг асосий вазифалари ва принциплари

• Мамлакатимиз мустақиллигидан сўнг унинг олдида ички ва ташқи сиёсатнинг ажралмас қисми ҳисобланган самарали божхона сиёсатини ишлаб чиқиш ва олиб бориш зарурати туғилди.
• Ўзбекистон Республикасида Ўзбекистон Республикаси ички ва ташқи сиёсатининг таркибий қисми ҳисобланувчи ягона божхона сиёсати амалга оширилади.

Божхона сиёсати

• Божхона сиёсати – давлатнинг ички ва ташқи иқтисодий манфаатларини ҳимоя қилишга қаратилган божхона соҳасида олиб бориладиган чора-тадбирлар мажмуидир.
• Божхона сиёсатининг мақсади Ўзбекистон Республикаси божхона ҳудудида самарали божхона назоратини ҳамда товар айирбошлашни тартибга солишни таъминлашдан, иқтисодиётнинг ривожланишини рағбатлантиришдан, ички бозорни ҳимоялашдан иборатдир.

Божхона сиёсати

• Божхона сиёсатининг мамлакат ички ва ташқи сиёсати билан ўзаро боғлиқлиги қуйидагиларда яққол намоён бўлади.
• Биринчидан, божхона сиёсати давдат ички иқтисодий сиёсатининг таркибий элементи ҳисобланади.
• Божхона сиёсати бож тарифлари ёрдамида ва тарифларсиз бошқариш воситаларидан фойдаланиб, ички иқтисодий сиёсатнинг қуйидаги бир қанча асосий вазифаларини ҳал этишга қаратилади:
• миллий иқтисодиётнинг ҳар томонлама ривожланишини рағбатлантириш;
• ички бозорни ҳимоя қилиш;
• таркибий қайта ўзгартиришлар амалга оширилишига кўмаклашиш;
• бюджет даромадларини шакллантириш.

Божхона сиёсати

• Иккинчидан, божхона сиёсати ички сиёсатнинг таркибий қисми сифатида ўз хусусиятига кўра давлат манфаатларини, юридик ва жисмоний шахслар ҳуқуқларини ҳимоя қилувчи ҳуқуқни муҳофаза қилиш органи ҳисобланади.
• Учинчидан, божхона сиёсати Ўзбекистон ташқи сиёсатининг ажралмас қисми сифатида давлатимизнинг ташқи иқтисодий манфаатларини таъминлаш ва амалга ошириш мақсадларига хизмат қилади, унинг ташқи иқтисодий фаолиятни амалга оширишнинг асосий воситаларидан бири ҳисобланади.