Bog‘dorchilik o‘zbekiston Respublikasi Oliy va o‘rta maxsus ta’lim vazirligi tomonidan kasb-hunar kollejlari o‘quvchilari uchun o‘quv qo‘llanma sifatida tavsiya etilgan «O‘zbekiston faylasuflari milliy jamiyati»

17. BOG‘LARNI PARVARISH QILISH: O‘G‘ITLASH, SUG‘ORISH, MEVALI DARAXTLARGA SHAKL BERISH VА BUTASH (2 soat)


Yosh bog‘lar va hosilga kirgan meva bog‘lariga ishlov be­ rish, o‘g‘itlash va sug‘orish tizimlari. Tuprog‘i sho‘rlangan yer-larda tashkil etilgan bog‘ qator oralarida birinchi yillarda qovun, tarvuz ekilishi ma’qul sanaladi. G‘o‘za o‘stiriladigan zonalarda esa chigit ekish yaxshi natija beradi. Boshqa yerlarda bog‘ qator oralarida­ beda, paxta, kartoshka, ertagi va o‘rtagi karam, lavlagi o‘stirish, payvandtaglar olish uchun olma, nok, behi urug‘lari va yer yetilmagan vaqtlarda vaqtincha 1- va 2-dala ko‘chatzorlarini yosh bog‘ qator oralarida qatordan qochirib barpo qilish ham mumkin.

Beda ekiladigan bog‘lar suv bilan yetarli darajada ta’minlangan bo‘lishi zarur. Chunki beda yozda o‘zining o‘sishi uchun juda ko‘p suv sarflaydi. Masalan, 1 ga beda o‘suv davri davomida 8–12 ming m³ suv sarflaydi. Beda o‘zining barg va poyalari bilan suvning tuproq orqali bug‘lanishiga yo‘l qo‘ymaydi. Natijada, tuprog‘i sho‘rlangan yerlarda yer betida sho‘r tejalmaydi.

Beda ekiladigan bog‘ qator oralarining har gektariga 600– 800 kg superfosfat solinadi. Ko‘kat o‘g‘it sifatida nikolsop no‘xati, kuzgi vino, shabdor vinodan iborat bir yillik dukkakli o‘simliklar ekiladi.