Боғланишлар* Муқаддима I боб. Бухгалтерия ҳисоби ҳисобварақлар режасининг умумий тавсифи

- тайёр маҳсулотлар;
- корхонанинг оддий фаолияти жараёнида сотиш учун мўлжалланган товарлар.
III бўлимда келгуси давр харажатлари ва кечиктирилган харажатларнинг жорий қисмини ҳисобга олувчи счётлар гуруҳланган. Ушбу счётларда корхонанинг мазкур ҳисобот даврида амалга оширилган, бироқ келгуси ҳисобот даврларига тааллуқли харажатлари ҳисобга олиниши лозим. Улар корхонада белгиланган тартибда ҳисобдан чиқарилиши керак.
Ҳисобварақлар режасида бундай харажатлар олдиндан тўланган ижара, газета ва журналларга обуна, бўнак тариқасида тўланган суғурталардан иборат бўлади. Бироқ ушбу рўйхатни:
- тоғ-кон тайёрлов ишлари, мавсумий тавсифга эга бўлганлиги муносабати билан ишлаб чиқаришни тайёрлаш ишлари;
- янги ишлаб чиқариш, мосламалар ва агрегатларни ўзлаштириш;
- ерларни тиклаш ва бошқа табиатни муҳофаза қилиш тадбирларини амалга ошириш;
- йил давомида асосий воситалар таъмирланиши бир маромда амалга оширилмаслиги (агар корхона таъмирлаш фондини ташкил этмаса) билан боғлиқ харажатлар билан тўлдириш мумкин.
IV бўлимда жорий дебиторлик қарзларини, яъни 12 ой мобайнида қайтарилиши лозим бўлган дебиторларнинг қарзларини ҳисобга олувчи счётлар жамланган.
Энг аввало, ушбу счётларда харидорлар ва буюртмачиларга юклаб жўнатилган маҳсулот, бажарилган ишлар ва кўрсатилган хизматлар бўйича қарзлар, шунингдек ажратилган бўлинмалар, шуъба ва қарам корхоналарнинг, турли жисмоний ва юридик шахсларнинг берилган бўнаклар бўйича қарзлари, таъсисчиларнинг устав капиталига улушлари бўйича қарзлари, ходимларнинг берилган кредитлар ва заёмлар, келтирилган зарар бўйича дебиторлик қарзлари ва бошқа дебиторларнинг қарзлари ҳисобга олинади.
V бўлимда пул маблағлари ва уларнинг эквивалентларини ҳисобга олувчи счётлар, яъни кассадаги, банкдаги ҳисоб-китоб ва валюта счётларидаги, махсус счётлардаги пул маблағларини, қисқа муддатли инвестицияларни, турли бойликлар ва бошқа жорий активлар бузилиши натижасида келиб чиққан камомад ва йўқотишларни ҳисобга олувчи счётлар гуруҳланган.