Boburxon Yunusaliyevning " Maktabning 5-9- sinflarda ingliz tili fanini o’qitilishi"

Farg’ona tumani XTB tasarrufidagi
56-sonli umumiy-o’rta ta’lim maktabi
Ingliz tili fani o’qituvchisi
Boburxon Yunusaliyevning
“Maktabning 5-9- sinflarda ingliz tili fanini o’qitilishi”
mavzusida tayyorlagan



Hozirgi davrning dolzarb masalalari-dan biri xorijiy tillarni o’qitish orqali yosh avlodni Vatanga muhabbat va sadoqat, milliy g’urur, yuksak axloq va ma’naviyat, qadimiy va boy merosimizga iftixor tuyg’usi, milliy va umuminsoniy qadriyatlar ruhida tarbiyalashdir. Jahon ta’lim tizimidagi tub islohotlar o’quvchilarning chet tillarni mukammal o’rganishlari, barcha sohalarda chet tilini bilgan holda o’zlarini namoyon eta olishlari uchun zarur shart-sharoit yaratib berish, ularning xorijiy tilda og’zaki va yozma nutqlarini rivojlantirish muammolarini ilgari surmoqda.
O‘zbekiston Respublikasi Vazirlar Mahkamasining 2017-yil 11-avgustdagi, 610-sonli “Ta’lim muassasalarida chet tillarini o‘qitishning sifatini yanada takomillashtirish chora-tadbirlari to‘g‘risida”gi qarorida uzluksiz ta’lim tizimining barcha bosqichlarida o‘sib kelayotgan yosh avlodni chet tillariga o‘qitish sifatini ta’minlash, chet tillarida erkin so‘zlasha oladigan mutaxassislarni tayyorlash tizimini tubdan takomillashtirish, ushbu yo‘nalishdagi o‘quv dasturlarining uzviyligi va uzluksizligini ta’minlash eslatib o’tiladi. Bu Xorijiy til o’qituvchilari zimmsiga katta mas’uliyat yuklaydi. Mas’uliyatni his qilgan barcha Ingliz tili o’qituvchilaridan o’zlarining nazariy va amaliy bilim-ko’nikmalarini oshirishlarini, darslarga yangicha uslub bilan yondoshishni taqazo etmoqda. Hozirda maktabimizda 6 nafar ingliz tili fani o’qituvchilari faoliyat yuritib kelmoqda.
II pedagogik kengash masalalari qatoriga kiritilgan 5-9-sinflarda ingliz tili fani o’qitilishi haqida boshlang’ich sinf o’qituvchilari, yuqori sinf ona-tili va adabiyot hamda ingliz tili o’qituvchilarining bergan dars tahlillarining ma’lumotlari asosida maktabda 5-9-sinflarda Ingliz tili fanining o’qitilish ahvoli bo’yicha quyidagi ma’lumotlar aniqlandi:


Saibova Nazira 4 yil ish faoliyatiga ega, haftasiga 12 soat boshlang’ich sinflarda, 6 soat yuqori sinflarda ingliz tilidan saboq berib kelmoqda. Darslari kuzatilganda o’quvchilarni darsga jalb qila olishi, darslarda АКТ hamda yangi pedagogik texnologiyalardan, interfaol o’yinlardan o’rinli foydalanishi, talabchanligi aniqlangan. Darslari davomida rangli rasmlardan, tarqatma savollardan, rag’bat kartochkalaridan foydalanadi. Kuzatishlar davomida N.Saibovadan mavzuni tushuntirishda doskadan foydalanmaslik va o’quvchilarni rag’batlantishda ayrim kamchiliklar aniqlangan.
Darslari samarali va qiziqarli chiqishi uchun N.Saibovaga – darslarida vaqt taqsimoti bo’yicha to’g’ri rejalashtirib olishi, rag’batlantishda baholash mezoniga e’tibor berishi hamda doska bilan ko’proq ishlashi kerakligi taklifi berilgan.