Boburning portret yaratish mahorati

Tadqiqot maqsadi va vazifalari. 
―Boburnoma‖da yuzlab tarixiy shaxslarga 
tavsif berilgan, ularning faoliyati, sarguzashtlari tasvirlangan. Bular turli toifadigi, 
jumladan, shohlar, hokimlar, amaldorlar, lashkarboshilar, din va shariat arboblari, 
ilm ahli va ijodkorlar, san‘atkorlar, askarlar, muxoliflar, turli tabaqa vakillari va 
hokazolaridir. Ular jamiyatda tutgan o‗rni, qarash va manfaatlari, siyosiy maslagi, 
xulq-atvori, xatti-harakatlari turlicha odamlardir. Bobur voqealar ishtirokchilarini 
tasvirlayotganda mana shu jihatlarning hammasiga e‘tibor beradi. Odamlarning 
takrorlanmas faqat ularning o‗zigagina xos xususiyatlarini tanlab oladi, tarixiy 
haqiqatga to‗la rioya qilgan holda qalam suradi, g‗oyat ishonarli real qiyofalar 
yaratadi. Shundan kelib chiqib, tadqiqotda ―Boburnoma‖ asari misolida Boburning 
portret yaratish mahorati masalasini tadqiq va tahlil etish maqsad qilib olingan.
Ushbu maqsadga erishishda quyidagi vazifalar belgilab olindi: 

---

-
―Boburnoma‖da muallifning temuriy hukrmdorlar portretini yaratishi; 
-
asarda tasvirlangan ayollar va Boburning ayollar siyratini yoritishdagi
o‗ziga xos jihatlarni o‗rganish; 
-
Boburning bek va amirlarga bergan ta‘rif va tavsiflarini umumlashtirish;
-
muallifning ilm va ijod ahliga munosabati hamda ularning asarda
tasvirlanishi masalasi; 
-
asarda Boburning movarounnahrlik va boshqa muxoliflari tasvirining
berilishi: 
-
Boburning badiiy mahoratini aniqlash.
Tadqiqotning obyekti va predmeti. 
Zahiriddin Muhammad Boburning 
―Boburnoma‖ asari, shuningdek, portret masalasiga doir nazariy adabiyotlar 
tadqiqot obyektini tashkil etadi. Ishning predmeti esa Boburning portret 
yaratishdagi mahorat qirralarini tahlil qilishdan iboratdir. 
Tadqiqotning ilmiy yangiligi. 
Zahiriddin Muhammad Boburning 
―Boburnoma‖ voqeiy-sarguzasht asari mumtoz adabiyotimizning e‘tiborga sazovor 
nasriy asari sifatida hayotni real ifodalaganligi, muallifning o‗ziga xos uslubga ega 
ekanligi bilan qadrli hisoblanadi. Boburning hayoti va ijod yo‗li adabiyotshunos 
olimlar tomonidan o‗rganilgan bo‗lsa-da, uning portret yaratishdagi mahorati 
alohida tadqiqot sifatida yoritilmagan. Tadqiqotda Boburning temuriy hukmdorlar, 
asarda ayollar siyratining yoritilishi, bek va amirlar, ilm ahli va ijodkorlar, 
muxoliflari va shaxslarni tasvirlashdagi mahorati aniqlangani ishning yangiligi 
hisoblanadi.