Boburning portret yaratish mahorati

Muhammad Valibek
bo‗lib, Boburning aytishicha, u mirzo 
qoshida ulug‗ bek bo‗lgan. Ulug‗ bek bo‗lishiga qaramay kechayu kunduz 
xizmatni tark qilmas edi. Navkarni ham, ta‘minotini ham bir holatda saqlagan. 
Faqir va bechoralarga doim yodam qo‗lini cho‗zgan. Bularni uning ijobiy 
fazilatlariga kiritsak, salbiy fazilatlarini muallif quyidagicha sifatlaydi: 
“Fahshg„uy 

---

va badzabon kishi edi. …Ne so„zida maza bore di, ne o„zida. Muncha rioyat qobili 
emas edi. G„olibo xizmat ani ul martabag„a yetkurgandur” (“B1”. 294-bet)
. 
Bobur uning tilidan yaxshi so‗z chiqmasligini, chiqqanda ham bemaza so‗zlashini 
va e‘tiborga loyiq inson bo‗lmaganligini aytadi.
Mirzoning yana bir amirlaridan biri 
Bobo Ali
eshikog‗a edi. Avvalari u 
Alisherbek xizmatida bo‗ldi. Mardonaligidan Husayn Boyqaro eshikog‗a qilib, 
hatto, beklik martabasigacha ko‗targan.
Yana bir bek 
Badruddin
edi. Muallif fikricha, u so‗zga chechan va chaqqon 
bo‗lgan.
Hasanali jaloyir
ham Husayn Boyqaro xizmatidagi beklardandir. U 
―Tufayliy‖ taxallusi ostida ijod qilgan shoirdir. Qasidani yaxshi aytgan. U o‗z 
davrida qasidachilikda peshqadam kishilardan bo‗lgan. Xatto, u Boburga atab ham 
qasidalar yozgani asarda tasvirlangan. Bobur uning xulq-atvori haqida fikr yuritar 
ekan: 
“Bebok na mutlif kishi edi. Chuhra soxlar edi. Hamisha nard o„ynar edi, 
qimor qilur edi” (“B1”. 294-bet)
deb yomon sifatlar keltirib salbiy baholaydi.
Tengriberdi
ismli bek ham Husayn Boyqaro xizmatidagi beklardan biri 
bo‗lgan. Bobur uni sodda, mard va qilichbozlikda tengsiz yigit deb baholaydi.
Mirzoning yana bir beklaridan 
Amir Umarbek
edi. Bobur uni tasvirlar 
ekan, mardona, sodda va yaxshi kishi edi deb, ijobiy sifatlar bilan xolisona 
baholaydi.
Xullas, Boburning davlatchilik siyosatida kishilarni tanlash, raiyat 
manfaatiga e‘tibor berish, bek, sarkardalarning oddiy kishilarga bo‗lgan 
munosabati har bir shaxs tasvirida so‗zning badiiy vositalaridan keng foydalanish, 
xarakter yaratishda so‗z tanlash qatori, badiiyat sirlarini ifoda vositasiga aylantirish 
hollari ham mavjud, bu esa Boburning yuksak adabiy-estetik salohiyatidan dalolat 
beradi. U hamisha qo‗li ochiq, beva-bechoralarga e‘tiborli, beklari haqida 
―Boburnoma‖da juda samimiy fikr bildirib, ulardan o‗zining marhamatini darig‗ 
tutmaganini ifodalagan.