Боб. “Қайрағоч” конини кон-геологик ва кон-техник тавсифи

Yo‘riqnomalar o‘tkazish va ishchilarni xavfsiz ishlash
usullariga o‘rgatish
Yuqori malakali mutaxassislar tayyorlash va sanoat korxonalarida kasb kasalliklari va jarohatlanishga olib keladigan omillarni butunlay yo‘kotish sanoat korxonalari raxbarlari oldiga qo‘yilgan asosiy vazifa xisoblanadi.
Hozirgi zamon fan va texnikasining o‘sishi, yangidan-yangi texnologiya va mashina-mexanizmlarning joriy etilishi ishlab chiqarishda ishlayotgan har bir xodimning yuqori malakali, texnika qonunlarini tushunadigan va unga amal qiladigan bo‘lishlarini taqozo kiladi. Hozirgi vaqtda ishchilar xavfsizligini ta’minlash borasida qanchadan-qancha tavsiyanomalar, qoida va me’yorlar ishlab chiqilgan bo‘lishiga qaramasdan, sanoat korxonalarida baxtsiz hodisalarning butunlay yo‘qolib ketishini ta’minlovchi sharoit mavjud emas.
Bundan tashqari sanoat korxonalarining xilma-xilligi, hattoki ma’lum bir korxonada ish sharoiti bir-biriga o‘xshash ikkita sexni topish amrimahol ekanligi, umumiy sanoat korxonalari xavfsizligini ta’minlov­chi, tartibga solingan qoida ishlab chiqarish mumkin emas. SHuning uchun ham har bir sanoat korxonasida o‘zi uchun mehnatni muhofaza qilish va mehnat xavfsizligini ta’minlashga qaratilgan yo‘riqnomalar tizimi tashkil qilingan va bu tizimlar ishchilarning xavfsizligini ta’minlovchi ish usullarini o‘rgatish bilan ishchining mehnat xavfsizligini saqlash chora-tadbirlarini ham o‘z ichiga oladi.
Yuriqnomalarni asosan to‘rt guruxga bo‘lib o‘rganish mumkin:
1)kirish yo‘riqnomasi; 2) ish joyidagi yo‘riqnoma; 3) vaqti-vaqti bilan o‘tkaziladigan yo‘riqnoma va 4) rejadan tashqari yo‘riqnoma.
Sanoat korxonalarining hammasida ish toifasi va havflilik darajasi qanday bo‘lishiga qaramay, barcha ishchi va xizmatchilar ishlash davri, mutaxassisligi va malakasidan qatiy nazar, yo‘riqnomadan o‘tishlari shart.
Kirish yo‘riqnomasi. Ishga yangi kirayotganlar uchun o‘tkaziladi. Bu yo‘riqnomaning asosiy maqsadi ishga kirayotgan kishiga mehnatni muhofaza qilish, xavfsizlik texnikasi va sanoat sanitariyasi to‘g‘risida ma’lumot be- rish, uni sanoat korxonasi maydonlari va sexlaridagi tartib-qoidalardan xabardor qilishdir. Kirish yo‘riqnomasi yaxshi jihozlangan va ko‘rgazmali qurollar o‘rnatilgan mehnatni muhofaza qilish kabinetida, xavfsiz­lik texnikasi muhandisi tomonidan o‘tkaziladi.