Бизнинг ҳаниф Ислом динимиз покликка жуда катта аҳамият берган ва

РАМАЗОН ҲАЙИТИ НАМОЗИ
Рамазон ҳайитида икки ракат «ийдул фитр» намозини адо этиш вожибдир. «Ийдул 
фитр» намози бундай тартибда ўқилади. Қиблага қараб: «Икки ракат ийдул фитр 
намозини ушбу имомга иқтидо қилиб, юзимни Каъба томонига қаратиб, холис 
Аллоҳ таоло учун ҳамма такбирлари билан адо этишни ният қилдим», деган 
мазмунда ният қилингач, «Аллоҳу акбар», деб биринчи такбир айтилиб қўллар 
боғланади. Овоз чиқармасдан «Сано» 
(«Субҳанака»)
ўқилади. Сўнг имом билан 
биргаликда яна уч бор «Аллоҳу акбар», деб қўллар қулоқлар тўғрисига кўтарилиб 
такбир айтилади, аммо бу такбирларнинг аввалги иккитасидан кейин қўллар ѐнга 
ташлаб турилади. Учинчи такбирдан сўнг қўллар боғланади.
Имом Фотиҳа сураси билан бир сурани ўқийди, бошқалар қулоқ солиб жим 
туришади. Сўнгра рукуъ ва икки сажда қилиниб, иккинчи ракатга турилади.

---

Иккинчи ракатда имом яна Фотиҳа сураси ва зам сура ўқийди. Сўнгра рукуъдан 
аввал яна уч марта такбир айтилади, такбирлар орасида қўллар қулоқлар 
тўғрисигача кўтарилади ва такбирлар орасида улар ѐнда тутилади.
Тўртинчи такбир айтиб рукуъга борилади. Рукуъ ва икки сажда қилиб қаъдада 
ўлтирилади, ташаҳҳуд, салавот, дуо ўқиб салом берилади.
Сўнг имом минбарга чиқади. Хутбани ўқиганидан кейин яна меҳробга қайтади, дуо 
қилади.
Рамазон ҳайити кунида тонг отгач, ҳайит намозигача тамадди қилиб, тишларни 
мисвок билан тозалаб, ғусл қилиб покланиб, хушбўй атиру гулоблар сепиб, покиза, 
оҳорли кийимлар кийиб, фитр садақасини бериб ҳайит намозига бориш мустаҳаб 
амаллардандир. Ҳайит намозигача нафл намоз ўқиш макруҳ.
Жума намози кимларга вожиб бўлса, ҳайит намози ҳам уларга вожибдир. Намоздан 
сўнг икки хутба ўқиш суннатдир.
Ҳайит намозининг вақти қуѐш бир найза бўйи кўтарилгач, то туш вақтигачадир. 
Туш вақти киргач, ҳайит намозини ўқиб бўлмайди.