Biznesni boshqarish va axborot texnologiyalari fakulteti biznesni boshqarish kafedrasi

GLOSSARIY:
Avtoritet – boshqa insonlarning xatti-harakatlari va xulq-atvorlarini boshqarish uchun berilgan, qonuniylashtirilgan huquq.
Analitik sotsiologiya –jamiyatning rivojini faqatgina madaniy tizimlarning almashinishi doirasida vujudga keluvchi jarayon sifatida qaraydigan, P.Sorokin asos solgan sotsiologik kontseptsiya.
An`anaviy xatti-harakat – M.Veberga ko’ra, egallangan odatlar, an`analar asosida kelib chiqadigan xatti-harakat.
An`analar – o’tmishdan foydaliligi jihatidan insonlar qabul qiladigan, avloddan-avlodga o’tadigan madaniy norma va qadriyatlar, ko’nikmalar.
Assimilyatsiya – ozchilikning ko’pchilik aholi ichiga singishib ketishi, bunda ozchilik aholi hukmron madaniyat me`yorlari va qadriyatlarini qabul qiladi.
Affektiv xatti-harakat – M.Veberga ko’ra, hissiyot va emotsiyalarga asoslangan xatti-harakat.
Barqarorlik (ijtimoiy)– jamiyatdagi tinch-totuvlik va uni mustahkamlash uchun shart-sharoitning mavjudligi; ijtimoiy qatlamlar, kuchlar va siyosiy partiyalar o’rtasidagi hamjihatlik vaziyati; davlat, jamoat tashkilotlari, fuqarolar o’rtasidagi ijtimoiy kelishuv holatining muttasil davom etishi va h.k.
Bilish – tasavvur, tushuntirish va eslab qolishni qamrab oladigan tafakkur jarayoni.
Geografik maktab – Jamiyat hayotida geografik muhitning hal qiluvchi rolini ilgari suruvchi “bir omil” pozitivistik-naturalistik maktablaridan biri.
Demokratiya – fuqarolarga siyosiy qarorlar qabul qilish jarayonida ishtirok etish va boshqaruv organlariga o’z vakillarini saylash imkonini beradigan siyosiy tizim.
Dialektik sotsiologiya – G.Gurvich asos solgan, sotsiologik muammolarni tushuntirishda faqatgina inson ongiga xos bo’lgan dialektikadan foydalanishni ilgari suruvchi yo’nalish.
Jamiyat – muayyan hududda istiqomat qiluvchi, yagona siyosiy hokimiyatga itoat qiladigan va o’zlarini boshqa qo’shni guruhlardan farqlaydigan odamlar guruhi.
Jamoaviy harakat – muayyan joyda to’plangan ko’p miqdordagi odamlar tomonmdan o’z-o’zidan kelib chiqib bajariladigan harakatlar.
Ijtimoiy guruh – har bir a`zosi boshqalariga nisbatan taqsimlangan kutinmalar asosida ma`lum bir tarzda o’zaro xatti-harakat qiluvchi individlar yig’indisi.