Biznesni boshqarish va axborot texnologiyalari fakulteti biznesni boshqarish kafedrasi

Foydalanilgan adabiyotlar ro’yxati

Guslyakova L.G., Kuvshinnikova V.A., Sintsova L.K. Sbornik zadach i uprajneniy po sotsial’noy rabote. –M.: Nauka, 1994.
Informatsionniy byulleten’ Komissii po voprosam jenshin, sem’i i demografii pri Prezidente Rossiyskoy Federatsii. – 1998. - Vip. 2.
Osnovi sotsial’noy raboti: Uchebnik / Otv. red. P.D.Pavlenok.- M.: INFRA-M, 1997.
Sotsial’naya zashita cheloveka: regional’nie modeli/ Pod.red. V. G. Bocharovoy, M. P. Gur’yanovoy. – M.: Izd-vo ASORiR RF, 1995.
Teoriya i metodika sotsial’noy raboti: v 2 ch. / Pod red. I G. Zaynisheva.— M.: MGSU, 1994.
CHumakov B.N. Valeologiya: izbrannie lektsii. – M.: Rossiyskoe pedagogicheskoe agentstvo, 1997.

8-mavzu .Ijtimoiy ish va konfliktologiya .
Reja:

1. 
   Konfliktologiyaning mohiyati va mazmuni.
   
2. 
   Xalqaro, millatlararo, dinlararo, davlatlararo ijtimoiy nizolar.
   
3. 
   Ijtimoiy ish mohiyatini anglashda konfliktologik yondashuv.
   
4. 
   Amaliy faoliyat olib borayotgan ijtimoiy xizmatchining konfliktologik bilimlari.
   

“Ular qandaydir juda murakkab va muhim narsa to’g’risida tortishishdi, lekin hech qaysi biri ikkinchisini enga olmadi. Ular hech bir masalada bir-birining fikriga qo’shilmadi, shu tufayli ularning tortishuvi juda qiziq va intihosiz bo’ldi”.

M. Bulgakov

“Bir-birlarini tushunmaganliklari uchun tortisha boshlaydilar, o’zaro tortishayotganlari uchun bir-birlarini tushunmaydilar”.

P. Buast
Ijtimoiy ish mutaxassisi uchun insonlarning o’zaro munosabatlarida hech qanday sir yo’q. U ikki davlat o’rtasida nima uchun urush bo’layotganini va o’rtog’i xotini bilan nima uchun janjallashganini yaxshi tushunadi, chunki, Monten aytganiday, davlatlar o’rtasidagi va qo’shnilar o’rtasidagi urushlarning asosida aynan bir xil sabablar yotadi.
Konfliktologiya deb, ijtimoiy nizolar, ularning sabablari va oqibatlari, shakllanish, davom etish va hal qilish murvatlari, ularni optimallashtirish usullari to’g’risidagi nisbatan mustaqil bo’lgan fan sohasiga aytiladi. Fanning bu sohasi XX asrning 70-yillarida sotsiologiya, ijtimoiy psixologiya, menejment, ijtimoiy ish, pedagogika va siyosatshunoslik fanlarining tutash nuqtasida paydo bo’ldi. U shaxsning ichki nizolaridan to inqiloblar va davlatlar o’rtasidagi urushlargacha bo’lgan janjallarning umumiy va o’ziga xos qonuniyatlari to’g’risida bilim berar ekan, insonlar bilan ishlaydigan, ijtimoiy munosabatlarni tartibga solishda ishtirok etadigan odamlar, shu jumladan, ijtimoiy xizmatchilar uchun ham foydalidir.
Konfliktologiya ichki nizolarning barcha turlari va shakllari, ular o’rtasidagi umumiy qonuniyatlarni o’rganadi, ijtimoiy ish esa, avvalo shaxsning ichidagi, shaxslar o’rtasidagi, shaxs va guruh o’rtasidagi nizolarni o’rganadi. Konfliktologiya juda ko’p fanlar bilan o’zaro bog’langan: u siyosatshunoslik bilan birga etnoslararo, partiyalarning ichidagi, partiyalar o’rtasidagi va boshqa nizolarni o’rganadi; menejment bilan birgalikda esa, tashkiliy (jamoa ichidagi va jamoalar o’rtasidagi) nizolarni o’rganadi. xozirgi zamon jamiyatshunosligi va insonshunosligi bo’limlarining ko’pchiligi konfliktologiya nazariyalari yordamida yoritilgan.
Butun hayotimiz ━ nizolardan: atrofdagilar bilan, tabiat bilan, vaziyat bilan, o’zimiz bilan nizolardan iborat. Nizo madaniyati quyidagilarni qamrab oladi:
1) nizoli vaziyatni kengaytirish emas, toraytirishga harakat qilib, faqat nizo predmeti to’g’risida so’z yuritish;
2) xafa qiladigan tanbehlar, murojaatlar, so’kinishlarga yo’l qo’ymaslik;
3) faqatgina o’zining nuqtai nazarini bayon qilishga intilmay, o’zgani tushunishga ham intilish;
4) aynan bitta vaziyatni turlicha odamlar turlicha anglashi va his qilishini unutmaslik, shuning uchun xotiralarni eslashda nizo qiluvchi tomonlarning “guvohlik ko’rsatmalari” jiddiy farq qilayotgan bo’lsa ham bir-birlarini “yolg’onchilikda” ayblamasdan, yaxshisi tafovutlarning sababini aniqlashga intilish, ehtimol nizoning haqiqiy sababi mana shundadir;