Biznes va yengil sanoat texnikumi

Soliqni hisoblab chiqarish tartibi. Hisob-kitobni taqdim etish va to’lash tartibi⁸.
Aksiz solig’ini so’mmasi Soliq solinadigan baza va aksiz solig’i uchun belgilangan stavkalar asosida hisoblanadi.
- Aksiz solig’i stavkalari mahsulot bir birligiga belgilangan bo’lsa, uning so’mmasini quyidagi formula orkali aniqlanish mumkin:
Aksiz solig’i = (Q x C)
Bu yerda: Q – mahsulotning jami natura miqdori,
S – mahsulot birligi uchun belgilangan aksiz solig’i stavkasi, so’m hisobida
- Aksiz solig’i stavkasi aksiz solig’i va KKSni hisobga olmagan holda sotilgan tovarlar qiymatiga nisbatan foizlarda belgilangan bo’lsa, aksiz solig’i so’mmasi quyidagi formula bo’yicha aniqlanadi:
Aksiz solig’i = (OxS):100
Bu yerda: O – sotilgan tovarlarning aksiz va Qo’shilgan qiymat Soliqlarisiz kelishilgan
(erkin) narxlar bo’yicha hisoblangan qiymati (hajmi );
S – aksiz solig’ining stavkasi, foiz hisobida.
Hisob-kitobni taqdim etish tartibi. Aksiz solig’ining hisob-kitobi Soliq bo’yicha hisobga olish joyidagi davlat Soliq xizmati organlariga tag’dim etiladi.
Aksiz solig’i byudjetga quyidagi muddatlarda to’lanadi:
joriy oyning 13-kunidan kechiktirmay – joriy oyning birinchi un kunligi uchun;
joriy oyning 23-kunidan kechiktirmay – joriy oyning ikkinchi un kunligi uchun;
kelgusi oyning 3-kunidan kechiktirmay – hisobot oyining qolgan kunlari uchun.
1.4. Yuridik shaxslardan olinadigan yer solig’i.
Yer solig’i o’zining iqtisodiy mohiyatiga ko’ra u renta to’lovidir.
Yer solig’i Mahalliy Soliqlar va yig’imlar tarkibiga kiradi. U Mahalliy byudjetning daromad manbai bo’lib hisoblanadi.
Yer solig’i to’lovchilar
Yer solig’ini to’lovchilar bo’lib, mulk huquqi, egalik qilish huquqi, foydalanish huquqi yoki ijara huquqi asosida yer uchastkalariga ega bo’lgan yuridik shaxslar, shu jumladan O’zbekiston Respublikasining norezidentlari hisoblanadi.
Yer uchastkasidan bir nechta yuridik shaxs birgalikda foydalangan taqdirda, har bir yuridik shaxs yer uchastkasining foydalanilayotgan maydonidagi o’z ulushi uchun yer solig’ini to’laydi.
Soliq solishning alohida tartibi urnatilgan yuridik shaxslar hamda notijorat tashkilotlar, agar asosiy faoliyati turi bilan bir katorda boshqa faoliyat turlari bilan shug’ullansalar, unda ular shu faoliyatda foydalangan yerlari uchun yer solig’ini to’laydilar.