Бизнес ва мулокот конунлари аюпов Равшан Хамдамович

Ҳар ким нимани хохлайди? 
Ҳамсуҳбатингиз билан ўзаро тушуниш ҳолатини ҳосил қилиш учун “
Мен 
Сизни бундай ҳолатга тушиб қолганингиз учун ҳеч нима билан айблай 
олмайман. Агар Сизнинг ўрнингизда мен бўлганимда, мен ҳам худди шундай 
ҳолатга тушган бўлар эдим
” – деган фикрга риоя қилсангиз яхши бўлади.
Эсингизда турсин, Сизнинг олдингизга ғазабга тўлиб, бир нимага қатъий 
ишонган, ақлга мувофиқ тарзда фикрлашни истамайдиган одам келганда 
бунга унинг ўзигина айбдор эмас. Уни бу ҳолатга ноқулай ташқи муҳит солиб 
қўйган, шунинг учун унга раҳм қилинг, унинг ўрнига ўзингизни қўйиб 
кўринг ва унга ачининг. Эртага турли хил манзилларда сиз учратадиган 75%
инсонлар ўз дардларига Сизнинг ҳамфикр ва шерик бўлишингизни жуда ҳам 
истайдилар. Сиз бу ҳиссиётни уларга беринг ва улар Сизни албатта севиб 
қоладилар.

Барчага мос келадиган ва ёқадиган чақириқ. 
Инсонларга таъсир ўтказиш учун уларга назокат билан муомала қилинг. 
Агар бирор киши ҳақида ҳеч қандай маълумот ололмасангиз, уни тўғри, 

---

Аюпов Равшан Хамдамович 
20 
инсофли, очиқ ва яхшиликка яхшилик билан жавоб қайтарадиган одамдай 
қабул қилинг. Муттаҳам ёки каззоб ҳам кўпчилик холларда ўзини жуда яхши, 
тўғри иш қилаётган ҳамда софдил инсон деб билади ва агар Сиз уни яхши 
одам деб ҳисоблаб, у билан тегишли муомала қилсангиз, у ҳам Сиз билан 
жуда яхши муомала қилади.

Қандай услубда гапириш мақсадга мувофиқ бўлади? 
Кино, телевидение ва радиода маълумотлар жуда ҳам қизиқарли қилиб, 
кўпиртирилган холда берилади ва унинг натижаси-ўлароқ, кўпчилик онгига 
тезда ва самарали таъсир қилади. Ҳозирги пайтда ҳақиқатнинг ўзини 
билдириш кифоя эмас, уни топқирлик билан ва самарадор қилиб айта билиш 
керак. Шунинг учун, агар ўзингизга эътиборни қаратмоқчи бўлсангиз, Сиз 
ҳам худди шу усулда мулоқот қилишингиз мақсадга мувофиқ бўлади. Демак, 
агар муваффақиятга эришмоқчи бўлсангиз, далилларни самарадор кўринишда 
беринг ва маълумотларни қизиқарли равишда ифодаланг.
