Бизнес ва мулокот конунлари аюпов Равшан Хамдамович

9. 
Бадавлат бўлиш учун нималарга аҳамият бериш керак
 
“Чин олим ҳийладан узоқдир, узоқ,
Нурнинг ўз сояси бўлмайди ҳеч чоқ”. 
Замаҳшарий 
 
 
Ушбу китобчанинг тадбиркорлар учун энг муҳим бўлган мана шу 
бўлимида уларга бадавлат бўлиш учун керак бўлган амалий маслаҳатлар 
имконият даражасида келтирилади. Уларни тушуниш, ўрганиш ва 
собитқадамлик билан амалга тадбиқ қилиш Сизнинг ҳаётингиздаги барча 
муваффақиятлар ва ижобий ўзгаришларнинг калити бўлиши мумкин.
Ким Сизнинг тақдирингизни бошқаради? 
Сизнинг тақдирингизни фақатгина бир одам, яъни, ўзингиз бошқарасиз.
Донолар “
Сендан ҳаракат, мендан баракат
” – деб бежиз айтмаганлар.
Бунинг учун тинимсиз машқ килишингиз, тегишли адабиётларни ўқишингиз 
ва улардаги керакли маълумотларни диққат билан ўрганишингиз керак 
бўлади. Сизнинг ўрнингизга бошқалар қарор қабул қиладиган шароитларда 
ўзингиз мақсадга мувофиқ қарорлар қабул қилинг ва ўзингизни бошқаришга 
ўрганинг. Бу Сизда ўзингизга ишонч ҳосил қилади ва Сиз учун ўта муҳим 
бўлган пайтларда ҳаётингизни ўзингиз истагандек бошқаришга имкон 
яратади. 
Нега кўпчилик инсонлар камбағал? 
Чунки уларда пул ва уни топиш ҳақида қуйидаги салбий фикрлар мавжуд 
ва худди шу ишонч уларни камбағаллик чоҳига караб етаклайди: 

Пул - қўлнинг кири, келаверади ва кетаверади. 

Менга катта пул керак эмас, у ёмонлик олиб келади, менинг бир коса 
овқатга ҳам қорним тўяди. 

Пул – жохиллик ва ёмон нарса, усиз ҳам яшаса бўлаверади. 

Пул – яқин инсонлар орасига низо солади. 

Пул – нафсга эрк бериб, шайтон васвасасига солади. 

---

Аюпов Равшан Хамдамович 
75 

Пул жуда кўп бўлса ҳаловат йўқолиб, яхши яшай олмайсан. 

Пул бошқа қимматли нарсаларни, ўтмишни ва қадриятларни унутишга 
олиб келади. 

Пул инсонларни очкўз ва хасис қилиб қўяди. 

Бойликка эришиш учун ўлиб-тирилиб ишлаш керак, менга эса 
соғлигим муҳимроқ. 

Бой бўлиш учун даромадли касбга эга бўлиш керак, пора бериш керак. 

Мен яхши ўқув юртларида ўқий олмаганман, шунинг учун ҳам 
даромадли ишга кира олмайман.

Таваккалчиликни ёқтирмайман, озгина маош ҳам мени қониқтиради. 

Мен каръера қилишим керак, пулни кейинчалик ҳам топавераман. 

Бировлардан бир амаллаб пуллар олиб туриш йўлини топилмаса, бой 
бўлиш мумкин эмас. 
Бу инсонлар пулнинг фақатгина ёмон хусусиятларини кўрадилар ва 
қилмишларини шу билан оқлайдилар. Бундай инсонлар арзимас иш ҳақи 
тўланадиган иш учун жонларини жабборга бериб эртаю-кеч меҳнат 
қиладилар. Топган озгина маблағларини эса дархол еб ичиб тамом қиладилар 
ёки фойда келтирмайдиган нарсаларни сотиб оладилар. Қашшоқлик 
психологиясига эга одам “
Бугун ва келажакда нима қиламан?
” деб эмас, 
балки “
Ўшанда (ўтган замонда) нима қилишим керак эди-ю, шуни 
қилганимда нима бўларди?
” тарзида фикр юритади. Яъни у келажак ҳақида 
эмас, балки кўпроқ ўтмиш ҳақида ўйлайди.