Бизнес ва мулокот конунлари аюпов Равшан Хамдамович

Танқид туфайли безовта бўлишдан химояланиш учун қуйидагиларга 
риоя қилишингиз лозим бўлади: 

Эсингиздан чиқмасин – Сиз қанчалик катта муваффақиятларга 
эришсангиз, Сизни шунчалик кўп танқид қиладилар. Демак, бу 
танқидларнинг асоси Сизга хавас ва Сиздай бўлишга интилишдир. 

Агар ҳақлигингизга астойдил ишонсангиз, бошқа одамлар Сиз 
ҳақингизда нималар дейишига аҳамият берманг ва бу ҳақда 
безовталанманг. Оломондан баландроқ кўтарилсангиз, Сизни ёмон кўра 
бошлайдилар ва Сиз бунга кўникишингиз керак бўлади. Агар Сизни 
ноўрин айбласалар, уларнинг бетига қараб кулинг – чунки Сиз ҳақсиз. 

Қачонлардир билиб-билмай қилган бемаъни хатоларингизни ёддан 
чиқарманг ва бундан сўнг бундай хатоларни асло қайтарманг. 
Шундагина Сиз ўзингизни мураккаб ҳолатларга тушиб қолганда ҳам 
бошқара оласиз. 

Хатоларингизда ўзингиздан бошқа ҳеч ким айбдор эмаслигини эсдан 
чиқарманг.

Ҳар 
куни 
кечки 
пайтларда 
ўз 
устингизда 
ишланг 
ва 
камчиликларингизни аниқланг, уларни яна қайтармасликка урининг. 

Сизни танқид қилишларини бефарқ кутиб ўтирманг, ўз-ўзингизнинг 
муросасиз танқидчингиз бўланг. 

Душманларимизнинг биз ҳақимиздаги фикрлари, бизнинг ўз 
ҳақимиздаги фикримизга нисбатан ҳақиқатга яқинроқлигини унутманг. 
Чарчаш ва безовталикнинг олдини олишга имкон берадиган кўникмалар: 

Иш столингизни (
реал ёки виртуал
) ҳозирги пайтда ҳал қилинаётган 
масалаларга боғлиқ бўлмаган барча маълумот ва қоғозлардан (
файл ва 
папкалардан
) тозаланг. 

---

Аюпов Равшан Хамдамович 
38 

Ишларни уларнинг муҳимлигига боғлиқ равишда бажаринг ва 
кунингизни режалаштиринг. 

Агар олдингизда бирор-бир муаммо пайдо бўлган бўлса, уни мавжуд 
далилларга таяниб, дарҳол ҳал қилинг. Олдингизда турган масалаларни 
ҳеч қачон кейинга қолдирманг. 

Ишни ташкил қилишга, вазифаларни тақсимлашга ўрганинг ҳамда 
самарали назоратни уюштиринг.