Бизнес ва мулокот конунлари аюпов Равшан Хамдамович

Маърузани қандай бошлаш керак 
Залда нима бўлишини олдиндан била олсангиз – маъруза жараёнини 
бошқариш анча осонлашади. Маърузанинг бошланиши жуда ҳам қизиқ 
бўлиши ўта муҳим бўлиб, бу тингловчиларга алоҳида кўтаринки руҳ бахш 
этади. Лекин маъруза бошланишида дабдурустдан кулгили нарсаларни 
айтманг. Агар залда қувноқ кайфият уйғотмоқчи бўлсангиз – ўзингиз билан 
боғлиқ хазил қилишингиз мумкин. Маъруза бошлашдан олдин нимадандир 
ёки кимдандир кечирим сўраманг, унинг ўрнига маърузангизни қизиқ ва 
хаётий маълумотлардан бошлаганингиз маъқул. Бу тингловчиларда катта 
қизиқиш уйғотади. Барча аудиториядагиларни фикрлашга мажбур қиладиган 
саволлар бериш ҳам ёмон бўлмайди. Маъруза мавзусини тингловчилар учун 
ҳаётий муҳим бўлган маълумотлар ва далиллар билан боғлай олсангиз, 
ошиғингиз олчи бўлди, деяверинг.

Маърузани қандай қилиб тугаллаш керак 

---

Аюпов Равшан Хамдамович 
32 
Ўз маърузангизни қандай сўзлар билан тугаллашингизни олдиндан ўйлаб 
қўйинг. Маъруза сўнггида чиқишингизнинг асосий томонларни қисқача 
эслатиб қўйинг (
яъни, олдин нимани гапирмоқчи бўлганингизни айтинг, кейин 
буни гапириб беринг, сўнг сўзлаганингизни якунланг
). Фаол харакатларга 
даъват қилинг. Агар қисқача комплимент қилсангиз ҳам натижаси ёмон 
бўлмайди. Маърузанинг энг охирида бироз хажвия (
юмор
) ишлатиш ҳам 
мумкин. Тингловчиларнинг вақтини бекор кетказишга асло ҳаракат қилманг. 

Қандай қилиб маърузангизнинг моҳиятини аниқ ва равшан 
қилишингиз мумкин 
Кўпчилик 
инсонлар олдида маъруза қилганда ўз профессионал 
йўналишингиз билан боғлиқ бўлган махсус атама, қисқартма ва терминларни 
ишлатишдан иложи борича эҳтиёт бўлинг. Фикрингизни ҳар қандай болага 
ҳам тушунарли бўладиган қилиб ифодаланг. Жуда муҳим жойларни 
қайтаришингиз мумкин, лекин битта гапни ҳадеб қайтараверманг. Бир 
чиқишингизда жуда ҳам кўп масалаларни қамраб олишга интилманг.