Biznes tashkil qilishning

Ё ВАЪДА БЕРМАНГ, Ё БЕРГАН ВАЪДАНГИЗНИ АЛБАТТА БАЖАРИНГ!
Баъзи шахслар ишнинг бошланиши билан катта даромад олмайдилар ёки келажакда ҳам катта даромад олишларига ишонмайдилар. Шунинг учун бу бизнес учун вақтларини ҳам, кучларини ҳам сарфламайдилар. Уларнинг ақидаси шундай:
Даромад келишни бошласа, мен бу бизнесга албатта ишонаман. Фақат ўша пайт кучимни ва вақтимни бу бизнесга сарфлайман.
Наҳот шундай фикрлаш билан муваффақиятга эришилса?! Аксинча,
ДАСТЛАБ ВАҚТИНГИЗНИ ВА КУЧИНГИЗНИ САРФЛАБ, АСТОЙДИЛ МЕҲНАТ ҚИЛИНГ! ҒАЙРАТИНГИЗ ТУФАЙЛИ МУСТАҲКАМ ҲОЛГА КЕЛГАН БИЗНЕСИНГИЗ СИЗГА АЛБАТТА ДАРОМАД КЕЛТИРИШНИ БОШЛАЙДИ.


4 АСОС: РЎЙХАТ

Эндиликда ўз бизнесингизга эга бўлиш учун аввало шундай мақсадингиз бўлиши кераклигини ва унга эришиш учун кучингизни ва вақтингизни сарф қилишингиз кераклигини тушуниб етдингиз. Бу босқичда исмлар рўйхатини ёзишни, қандай инсонларни ҳамкорингиз сифатида таклиф этишни ва уларни ўзингизнинг ўнг ва чап томонингизга қайд қилишни ўрганасиз. Бу бизнесни бошлаш учун дўстларингизнинг, қариндошларингизнинг ва ҳамкорларингизнинг рўйхатини тузишингиз керак. Рўйхатни ёзиш жуда муҳим босқич ҳисобланади.

РЎЙХАТНИ ЁЗМАСАНГИЗ ИШИНГИЗ ЖОЙИДАН СИЛЖИМАЙДИ.
Бу бизнесдаги тажрибам давомида ҳамкорларим 4-асосга етганда мендан шу саволларни сўрашади:
Нега мен дўстларимнинг рўйхатини ёзишим керак? Ахир ишга таклиф қилиш учун аллақачон иккита дўстимни ўйлаб қўйганманку. Улардан ташқари ҳам бир икки кишига айтиш ниятим бор. Ўзи 3 4 киши кифояку!
Бундай ўйлаш нотўғри. Сабаби:
СИЗ РЎЙХАТНИ ЁЗСАНГИЗГИНА, ЎНГ ВА ЧАП ТАРАФЛАРИНГИЗДА КИМ БЎЛИШИНИ БИЛИБ ОЛАСИЗ. РЎЙХАТНИ ЁЗСАНГИЗ “ИШОНЧ ВА
ТАЪСИР ДОИРАНГИЗ”НИ ТЎҒРИ АНИҚЛАБ ОЛАСИЗ.
Рўйхатни ёзишингизнинг бошқа фойдали тарафлари ҳам бор. Қолган тарафлари ҳақида лидерингиздан сўраб билинг.
РЎЙХАТ ҚАНДАЙ ЁЗИЛАДИ?
Лидерингизнинг (сизни ишга таклиф қилган кишининг) рўйхат намунасини кўринг. Ҳар қайси рўйхатда гуруҳ номи, кишиларнинг исми, ҳар бирининг сизга бўлган ишонч даражаси, маълумот даражаси (хоҳласангиз телефон номери ва электрон почта адреси) бўлиши керак. Рўйхатлар дафтарчаси ёки китобча ясанг янги ҳамкорларингиз учун кўпайтиринг ва уларга тарқатинг.
Аввало оила аъзоларингизнинг, қариндошларингизнинг ва дўстларингизнинг исмларини ёзинг ва ҳар гуруҳни категорияларга ажратинг. Масалан: Оилам, дўстларим, қариндошларимиз, қўшнилар, синфдошларим, курсдошларим, ҳамкорларим, бошқа мамлакат ёки шаҳарларда яшайдиган яқинларим ва дўстларим, янги танишлар. Келажакда янги таниш ортирганингизда исмларини рўйхатга ёзиш учун ҳозирданоқ бўш жой қўйинг.
Рўйхатни ёзиш вақтида қуйидаги тартибга риоя қилинг:

1. 
   Дастлаб гуруҳларингизни аниқланг.
   
2. 
   Рўйхатни ёзишни биринчи гуруҳдан бошланг.
   
3. 
   Сиз биладиган, сизни биладиган кишиларнинг исмини ёзинг.
   
4. 
   Биринчи гуруҳ билан боғлик ҳамма маълумот ёзилганига ишонч ҳосил қилганингизда иккинчи ва кейинги гуруҳларга ўтишингиз мумкин. Биринчи гуруҳни тугатмасдан иккинчи гуруҳга ўтманг.
   
5. 
   Фикрингизни бир жойга тўпланг ва кишиларнинг исмини эслаб ёзинг. Кейин ҳар бирининг ишонч даражасини ёзинг. Ишонч даражаси бирдан бешгача (1-5) бўлади. Ишонч даражасини белгилаш мисолини лидерингиздан сўранг.
   
6. 
   Танишларингизнинг маълумот даражасини ёзинг. Маълумот даражаси бирдан учгача (1-3) бўлади. Буни қандай қилишни лидерингиздан сўранг.
   

Энди рўйхатни ёзишни ўргандингиз. Тўлиқ маълумотга эга бўлган мукаммал рўйхатга эга бўлиш, ишларингизнинг натижасига ижобий таъсир қилади. Шунинг учун уни ёзишда вақтингизни ва кучингизни аяманг. Агар исм рўйхатингиз тўғрива фойдали чиқишини хоҳласангиз, қуйидагиларга ҳам албатта эътибор беринг.Бу маслаҳатларга риоя қилинг:

1. 
   Агар сизнинг танишларингиз атиги 5 киши бўлса ҳам уларни рўйхатингизга ёзинг. Статистикаларга кўра, ҳар 30 ёшга кирган киши ўртача 2500 танишга эга.
   
2. 
   Рўйхатингизда қанча кўп киши бўлса, лидерингиз сизга шунча кўп ишонади ва сизга кўпроқ ва жиддий эътибор қаратади. Ҳеч бўлмаганда 500 киши исмини албатта ёзинг.
   
3. 
   Рўйхатни ҳеч кимнинг ёрдамисиз ўзингиз ёзишингиз керак. Бу ишни бировга топширманг.
   
4. 
   Телефон дафтарингизда ҳамма дўстларингиз ва қариндошларингизнинг исми бўлганда ҳам ундан фойдаланманг, ўзингиз ёзинг.Нима учун ундан фойдаланиш мумкин эмас? Лидерингиздан сўранг.
   
5. 
   Ёзган кишиларингиздан бирор киши “бу бизнесни тушунолмайди” деб ўйласангиз ёки унинг етарли пули бўлмаса, уни ўзингизнинг гуруҳингиздан ўчирманг! Ўчириб ташласангиз, уларни бойиш имкониятидан маҳрум қиласиз ва ўзингизнинг гуруҳингизга зарар келтирасиз. Ўйлаб кўринг, бойиб кетганингизни кўрган ва сиз исмини ўчирган кишилар сиздан хафа бўлишади. Сиз ўзингизни оқлай олмайсиз.
   
6. 
   Бой-камбағал, қари-ёш, муваффақиятли-муваффақиятсиз, маълумотли-маълумотсиз бўлса ҳам ҳеч кимни эътибордан четда қолдирманг. Ҳаммасига бу имкониятни беринг, бу бизнес билан танишиб чиқишсин. Танлаш ҳуқуқини уларнинг ўзига беринг. Ҳеч қачон уларнинг тақдирини ҳал қилманг! “Бу бизнес билан шуғуллана оладими, йўқми?” деган саволга жавоб қидириш ўрнига, бу танлаш ҳуқуқини ҳар кишининг ўзига қўйиб беринг.