Biznes huquqi” kafedrasi tomonidan 2021/2022 kuzgi semestrida o‘tiladigan “Raqobat huquqi” modulidan tayyorlangan yakuniy nazorat turi bo‘yicha imtihon savollari

Savol: Bu yerda “Future” kompaniyasi tomonidan raqobat qonunchiligi buzilganmi? Javobingizni asoslang.
	Казус-11 Monopoliyaga qarshi kurashish organiga “Protect Insurance” va “Your choice” sug‘urta kompaniyalari bosh ofislaridan Andijon viloyatidagi filiallari faoliyatiga to‘sqinlik qilayotgani yuzasidan murojaatlar kelib tushdi. Ma’lum bo‘lishicha, 2021-yil 19-mart kuni Andijon viloyati hokimligi qaroriga asosan Andijon viloyati hududida sug‘urta faoliyati bilan faqat Andijon viloyatida ro‘yxatdan o‘tmagan sug‘urta kompaniyalari shug‘ullanishi mumkin emasligi belgilangan edi. Savol: bu holatda raqobat qonunchiligi buzilganmi? Javobingizni asoslang.
	Kazus-12 “FREEZE” kompaniyasi Oʻzbekistonda ommalashgan ikki kamerali muzlatkichlarning yagona ishlab chiqaruvchisi edi. Kompaniya ikki kamerali muzlatkichlarining 1 donasini 8 mln. soʻmdan sotib keladi. Muzlatgich bozoriga Janubiy Koreyadan investitsiyalarning jalb qilinishi munosabati bilan bozorga 2020-yil 1-may kunidan yangi ishlab chiqaruvchi “I-Fridge” kompaniyasi kirib kelib, ikki kamerali muzlatkichlarni isteʼmolchilarga 7 mln. 500 ming soʻm evaziga taklif qila boshladi. Raqobatchisi bir turdagi model narxini arzonroq narxda tovarni sotayotganini koʻrib, “FREEZE” kompaniyasi mijozlarini yoʻqotib qoʻyishning oldini olish maqsadida 1-iyun kunidan aksiya eʼlon qilib, ikki kamerali muzlatkichlarni 6 mln. soʻmdan sotishni boshlaydi. Savol: Bu yerda “FREEZE” kompaniyasining harakatlarida qonun buzilishi holati mavjudmi yoki bu tabiiy raqobat jarayonimi? Javobni asoslang.
	Kazus-13 Malakatimizda koronovirus infeksiyasi tarqalishi munosabati bilan 2020-yil 1-iyuldan keskin karantin choralari qoʻllanilishi maʼlum qilinadi. Karantin talablariga koʻra soat 8.00 dan 20.00 gacha respublikaning barcha hududlarida shaxsiy avtomashinalardan foydalanish va jamoat transporti qatnovining cheklanishi munosabati bilan taksi xizmatlariga talab oshib ketadi. Shu sababli, “Pandex” va “Yourtaxi” kompaniyalari aholi orasida taksi xizmatlariga talabning yuqori ekanligini inobatga olgan holda, taksi tariflari narxlarini keskin oshirib yubormaslik va aholiga ogʻirlik tug’dirmaslik maqsadida taksi ximatlari narxi (tarif)larini muhokama qilishga qaror qilishadi. 2020-yil 10-iyul kuni yuqorida koʻrsatilgan kompaniyalar vakillari uchrashib, har bir km uchun 3500 soʻm (karantindan oldin, har bir km uchun narxi 2500 soʻm) oshirmaslik boʻyicha kelishib olishdi.