|
O‘zbekiston qurolli kuchlarning
22 yilligiga bag‘ishlangan
“biz vatanga qoyamiz, mustahkam himoyamiz”
BAYRAMIGA BAG‘ISHLANGAN TADBIRLAR
SENARIYSI
O‘zbekiston qurolli kuchlarning
22 yilligiga bag‘ishlangan
“BIZ VATANGA QOYAMIZ, MUSTAHKAM HIMOYAMIZ”
mavzusida tayyorlangan adabiy-badiiy kecha
dasturi.
Davlat madhiyasi. 2:30 minut
Sahna ortidan:
1- boshlovchi: So’z Institut rektori, psixologiya fanlari nomzodi, dotsent ustozimiz Ro’ziqulov Faxriddin Rasulovichga (tabrik) 10 minut
Qancha diyorlarda sayr etib yurdim
Qancha manzillarda tuzdim men oshyon
Va buyuk hikmatga axir yuz berdim
Siylangan joyida azizdir inson
Yurtim, senda ekan nasibam tugal
Sen o‘zing maskanim, sen o‘zing shonim
Sen onam, sen singlim, yorimsan azal
Ey jonim jahonim O‘zbekiston.
1. Assalomu alaykum aziz ustozlar. O‘z hayotini ona zaminimizni himoya qilishdek muqaddas ishga bag‘ishlagan yurtdoshlarimiz.
2. Bugun 14-yanvar yurtimizda “Vatan himoyachilari” kuni. Bayram munosabati bilan sizlarni “Biz vatanga qoyamiz, mustahkam himoyamiz” bayram tadbirida ko‘rib turganimizdan g‘oyatda xursandmiz.
3. Tinch hayotimiz musaffo osmonimiz jajji bolalarimizning quvnoq kulgusi, ota-onalarimizning osuda umr kechirishi, olloh taolo bergan mana shunday hayotning, uni sarab-avaylash, ko‘z qorachig‘iday saqlash barchamizning avvalombor mard o‘g‘lonlarning qo‘lidadur.
4. Harbiy xizmatni o‘zining kasbi, vatan va xalq oldidagi muqaddas burchi deb biladigan, butun hayotini Qurolli kuchlarimiz safida xizmat qilishga bag‘ishlagan o‘g‘lonlarimizning og‘ir xizmatini qadrlash, ularning tunu kun tinim bilmasdan o‘z harbiy mahoratini oshirish yo‘lida qilayotgan mashaqqatli mehnatini e’zozlash barchamiz uchun ham qarz, ham farzdir.
5. Bugun yurtimizning barcha go‘shalarida ta’lim maskanlari, korxona va tashkilotlar, harbiy maktab va o‘quv yurtlarida, oilalar davrasida 14-yanvar Vatan himoyachilari kuni katta bayram sifatida nishonlanmoqda. Ushbu kun munosabati bilan tabriklash uchun so‘z navbati Navoiy viloyati pedagog kadrlarni qayta tayyorlash va malakasini oshirish institutining “Ma’naviy-marifiy ishlar bo‘yicha” prorektor texnika fanlari nomzodi O.O.Suvonovga.
6. Sen ey Alpomishdan saboqlar olgan
Shiroqdan qosh olgan qaboqlar olgan
Sohibqiromindan sadoqlar olgan
Sen kabi qo‘rg‘ondan o‘q o‘tmagaydir.
Boshlang‘ich ta’lim kursi tinglovchisi Jumayeva Shaxzoda sizlarni bayram bilan qutlaydi.
7. Deydilar qahrli bahodirlar ham
Janglarda jon berar chog‘i mardona
Behad azoblarga chidab so‘nggi dam
Bitta so‘z demishlar shivirlab ona
Bisyor bo‘lsa agar bol ham boqadr
Takror aytilganda rangsizdir kalom
Bu yorug‘ olamda vatan bittadir
Bittadir dunyoda ona degan nom.
Sahna ko‘rinishi. Ijro etadi. Milliy g‘oya kursi tinglovchilari.
8. Partalar oralab o‘tadi umr
O‘chirib qoralab o‘tadi umr
Bag‘rini poralab o‘tadi umr
Ajib hayoti bor o‘qituvchining
Yuragi daryodan dengizlardan keng
Mehnati tarixga asrlarga teng
Zaxmatkash qalbiga tasannolar deng
Ajib hayoti bor o‘qituvchining.
Qo‘shiq ijro etadi Samadov Dilshod. Raqs ijro etadi matematika kursi tinglovchisi Naimova Nodira.
9. Dunyoda ko‘p narsa unutiladi
Qashshoqlik martaba quvonch qayg‘ular
Unutilib borar muhabbat dardi
Unutilib yillar yo‘llar tuyg‘ular.
Qirq yillik adovat unitilib sekin
Unitilar hatto yurakdagi darz
Yaxshilarning mahri unitilmas lekin
Unitilmas ular oldidagi qarz.
Bayram bilan sizlarni matematika kursi tinglovchisi ustoz Egamova Guliston tabriklaydi.
10. Shuning bilan bugungi tadbirimiz o‘z nihoyasiga yetdi. E’tiboringiz uchun rahmat.
O, ota makonim onajon o‘lkam
O‘zbekiston jonim tushay soyangga
Senday mehribon yo‘q, seningdek ko‘rkam
Rimni alishmasman badapoyangga.
Assalomu alaykum bugungi bayram tadbiriga tashrif buyurgan hurmatli mehmonlar.
Avvalambor barchangizni qutlug‘ ayyom Vatan himoyachilari kuni bilan chin qalbimdan samimiy muborakbod etishga ruxsat bergaysizlar.
Xalqimiz armiya saflarida xizmat qilayotgan o‘z farzandlariga hamisha g‘urur va iftixor bilan qaraydi.
Bugun O‘zbekiston zamonaviy qurol yarog‘ va texnika bilan ta’minlangan ixcham va harakatchan, bugungi kun talablariga to‘la javob beradigan o‘z armiyasiga ega.
Yurtni qo‘rg‘on bo‘lib asragan o‘g‘lon
Vatanni orim deb saqlagan o‘g‘lon
Sen o‘zing yov yengmas qo‘rg‘onsan qo‘rg‘on
Vatan qo‘rg‘oniga darz etmagaydir.
Sizlarni bayram bilan geografiya kursi tinglovchilari tabriklaydi.
Istiqloling buyuk ne’mat yurtdoshim
Asli u jondan ham qimmat yurtdoshim
Uning bayrog‘ini qarog‘ingdek bil
Muhammadga bo‘lsang ummat yurtdoshim
O‘g‘lon bo‘lsang agar yurting uchun bo‘l
Qurbon bo‘lsang agar yurting uchun bo‘l.
Raqs ijro etadi, ona tili va adabiyot kursi tinglovchisi Usmonova Dilnozaxon.
Keksalar dardiga darmon yigitlar
Barnolar tilida doston yigitlar
Chaqindek charaqlab ko‘rkni qoq yorib
Parvozi bulutdek osmon yigitlar.
Matematika kursi tinglovchisi Qurbonova Nozima ijrosida “Xalqim” qo‘shig‘i.
Yurtim senga she’r bitdim bu kun
Qiyosingni topmadim also
Shoirlar bor o‘z yurtin butun
Olam aro atagan tanho
Ular sheri uchdi ko‘p yiroq
Qanotida oltin diyori
Bir o‘lka bor dunyoda biroq
Bitilmagan dosdondir bari:
Faqat ojiz qalamim manim
O‘zbekiston Vatanim manim.
Bayram bilan sizlarni Milliy g‘oya kursi tinglovchilari o‘z qo‘shiq va raqslari bilan qutlaydi.
1- boshlovchi: Mehnatsevar xalqimizning jonajon Vatanimiz ravnaqi yo’lidagi erishayotgan yutuqlari tobora ko‘payib, yurtimiz kundan-kun chiroy ochaversin.
2- boshlovchi: Har bir xonadonga tinchlik va omonlik, baxt-saodat, dasturxoniga qut-baraka, amalga oshirayotgan xayrli ishlariga omad tilaymiz.
Do'stlaringiz bilan baham: | 
