Bitiruvoldi amaliyoti

V =D_o‘· n_n


D_o‘‒o‘rama diametri, sm;
n_n ‒g‘altak aylanishlari soni, ob/min.
Tandalash tezligi doimiy bo‘lishi uchun o‘ramaning diametri oshishi bilan g‘altakning belgilangan aylanishlar sonini unga mos ravishda kamaytirish kerak, shuning uchun mashinalarda tandalash tezligini doimiy saqlovchi rostlagichlar o‘rnatiladi. Reostat (“SV-140” mashinasida) yoki taxogenerator (“SP-140” mashinasida)kabi rostlagichlar, zamonaviy mashinalarda esa raqamli elektron moslamalar yordamida o‘rama diametri ortgan sari g‘altak aylanishlari soni mos ravishda kamaytirib boriladi. Barabansiz tandalash mashinalarida tandalash tezligi 800‒1000
m/mingacha bo‘ladi.
Quyida guruhlab tandalash mashinasining texnologik sxemasi keltirilgan (2-rasm). Ip tandalash romiga o‘rnatilgan bobinadan 1 ip chuvalib chiqib, ballon so‘ndirgich 2, taranglovchi moslama 3, ip yo‘naltirgich 4, keramik yo‘naltirgich 5, to‘xtatgich 6, tig‘ 7, ajratuvchi chiviqlar 8, o‘lchash roligi 9, zichlash valigi 10 orqali o‘tib, tanda g‘altagiga 11 o‘raladi. O‘ramadagi kerakli zichlikni zichlash valigini 10 tanda g‘altagiga bo‘lgan bosim kuchini o‘zgartirish yo‘li bilan rostlanadi. 2-rasm. Tandalash mashinasining umumiy texnologik sxemasi: 1‒bobina; 2‒balon so‘ndirgich;
3-taranglovchi moslama; 4‒ip yo‘naltirgich; 5‒keramik yo‘naltirgich; 6‒to‘xtatgich 7‒V-simon tig‘; 8‒chiviqlar; 9‒o‘lchash roligi; 10‒zichlash valigi; 11‒tanda g‘altagi.

Zamonaviy tandalash mashinalarida o‘rama zichligini butun jarayon davomida bir me'yorda saqlab turish uchun takomillashtirilgan pnevmatik zichlash mexanizmlari qo‘llanilmoqda (2.14-rasm). O‘rama diametri ortgan sari zichlash kuchi ham mos ravishda o‘zgarib boradi va natijada o‘rama yuzasi silindrsimon bo‘ladi.

3-rasm Zamonaviy tandalash mashinalarida o’rama zichligini taminlash

Ip uzilgan paytda zichlash roligi o‘rama yuzasidan darhol uzoqlashtiriladi va ipning ishqalanish hisobiga shikastlanishining oldi olinadi.

4-rasmda guruhlab tandalash mashinasining umumiy ko‘rinishi keltirilgan.
4-rasm Guruhlab tandalash mashinasining umumiy ko’rinishi
Chiqindilarni kamaytirish va texnologik jarayon o‘timlaridagi iplar uzunligi muvofiqligini ta’minlash uchun guruhlab tandalash hisobi bajariladi.