Bitiruv malakaviy ishiga tushuntirish xati

Qora terak yoki osokor -	Balandligi 40 m gacha bo‘lgan daraxt. Shox-butoqlari baquvvat, chodirsimon, tanasining po‘stlog‘i yosh dav-rida silliq, kulrang, keksa daraxtlarda qoramtir, chuqur teshikchalari bor. Novdalari yaltiroq, sarg‘ish yoki sariq-kulrang. Barglari uchburchak, 12 sm gacha uzunlikda, yuqori tomondan bir muncha ochiq rangli. Ildiz tizimi baquvvat, mo‘l-ko‘l novdalar beradigan bir necha chuqur va ko‘plab yuzadagi ildizlarga ega. Qum bosishi bilan qo‘shimcha ildizlar shakllanadi.	Asosan, yoshlik davrida tez o‘sishi bilan ajralib turadi. Sovuqqa chidamli.Qumloq qayir tuproqlarda hammadan yaxshiroq o‘sadi. Uzoq vaqt suv bosishiga va birmuncha sho‘rlanganlikka chidamli. Yorug‘liksevar. Nisbatan quruqlikka chidamli. Kesishga yaxshi bardosh beradi.
Yo‘llarning qayirli uchastkalarida va sug‘oriladigan mintaqalarda turkumli va xiyobon holida ekish uchun tavsiya qilinadi.
Mirzaterak (ar-ar terak)-	Balandligi 30 m gacha, tanasi yergacha erkin tushgan shoxlar bilan qoplangan ingichka ustun ko‘rinishli yoki piramidal shox-butoqli daraxt. Yoshlarida po‘stlog‘i kulrang, silliq, keksalarida qoramtir-qo‘ng‘ir-kulrang, chuqur teshikchalari bor. Barglari keng uchburchak, qoramtir-yashil, yaltiroq. Ildiz tizimi kuchli shoxlangan, chuqur emas. Tez o‘sadi va 25 yoshida o‘zining chegaraviy balandligiga yetadi.	Issiqliqqa talabchan. Quruqlikka yetarlicha bardoshli, unchalik sho‘r bo‘lmagan tuproqqa chidamli. Havoning changlanishi va tutashiga chidamli. Tuproqning zichlanishi unga salbiy ta’sir ko‘rsatmaydi.Biroq quruq va unumsiz tuproqda 15-20 yoshida yuqori shoxlari qurib boshlaydi va manzaraliligini yo‘qotadi. Yorug‘liksevar. Asosan suv havzalarini manzarali bezatish uchun yaroqli.	Sug‘oriladigan mintaqalarda va suv havzalari qirg‘oqlarida keskin farqli turkumlar va xiyobonlar yaratish uchun tavsiya qilinadi.