«Битирув малакавий амалиёти»ни ўтаганлиги натижалари бўйича Ҳисоботи

«Битирув малакавий амалиёти»ни ўтаганлиги натижалари бўйича


ҲИСОБОТИ

Мен, шахар прокуратурасида 2021-йилнинг 1-февралидан 9-апрелигача «Битирув малакавий амалиёти”ни:

1. 
   Битирув малакавий амалиёти ўталган давлат органи номи ва манзили:
   

Шахар прокуратураси.
II. Кириш. Прокуратура органининг умумий тавсифи:
Ўзбекистон Республикаси Конституциясига кўра, Ўзбекистон Республикаси ҳудудида қонунларнинг аниқ ва бир хилда бажарилиши устидан назоратни Ўзбекистон Республикасининг Бош прокурори ва унга бўйсинувчи прокурорлар амалга оширади. Прокуратура органлари ўз ваколатларини ҳар қандай давлат органлари, жамоат бирлашмалари ва мансабдор шахслардан мустақил ҳолда, фақат қонунга бўйсиниб амалга оширадилар. Мамлакатимизда прокуратура органлари фаолиятини тартибга солувчи бир неча норматив-ҳуқуқий ҳужжатлар мавжуд бўлиб, булар қаторига Ўзбекистон Республикаси Конституцияси, Ўзбекистон Республикасининг “Прокуратура тўғрисида”ги қонуни, шунингдек Ўзбекистон Республикаси Бош прокурорининг буйруқлари киритиш мумкин. Бугунги кунда прокуратура органлари мамлакатимизда қонун устуворлигини, фуқароларнинг ҳуқуқ ва эркинликларига риоя этишни таьминловчи асосий давлат органларидан бири ҳисобланади. Бу борадаги унинг асосий функция ва вазифалари “Прокуратура тўғрисида”ги қонуннинг 2-моддасида кўрсатиб ўтилган бўлиб, унга кўра, давлат миқиёсида қонун устуворлигини таъминлаш, қонунийликни мустаҳкамлаш, фуқароларнинг ҳуқуқ ва эркинликларини, жамият ва давлатнинг қонун билан қўриқланадиган манфаатларини, Ўзбекистон Республикаси конституциявий тузумини ҳимоя қилиш, ҳуқуқбузарликни олдини олиш ва профилактика ишларини амалга оширишдан иборатдир.
Прокуратуранинг ташкилий фаолиятидаги муҳим хусусияти унинг ҳар қандай давлат органлари, жамоат бирлашмалари, маҳаллий органлар ва мансабдор шахслардан мустақиллигидир. Ўзбекистон Республикасида Прокуратуранинг фаолияти фақат Ўзбекистон Республикаси Олий Мажлиси ва Президенти назоратида бўлиб, давлат ҳокимияти ва бошқарувининг бошқа органлари, жамоат бирлашмалари, оммавий ахборот воситалари, уларнинг вакиллари, шунингдек мансабдор шахслар прокуратуранинг қонунлар ижроси устидан назорат қилиш, жиноят ишларини тергов қилиш, шикоят, ариза ва хабарларни текшириб кўриш ҳамда кадрларни танлаш ва жойжойига қўйиш каби фаолиятларига аралашувлари ман қилинади. Ўзбекистон Республикасидаги ҳамма вазирликлар, давлат қўмиталари ва идоралари, давлат назорати идоралари, ҳокимлар, шунингдек кимга бўйсинишидан, кимнинг тасарруфида бўлишидан ва мулкчилик шаклидан қатъий назар, корхоналар, муассасалар, ташкилотлар, жамоат бирлашмалари, ҳарбий қисмлар, мансабдор шахслар, шунингдек фуқаролар томонидан қонунларни аниқ ва бир хилда бажарилишини назорат қилиш Ўзбекистон Республикасининг Бош Прокурори ва унга бўйсинувчи қуйи прокурорлар томонидан амалга оширилади.