Бисмиллаҳир роҳМАНир роҳийм қуйида Закот чиқариш қўлланмаси сифатида келтирилган савол-жавоблар шайх Муҳаммад Содиқ

Савол: Закот фақат Рамазон ойида бериладими?
Жавоб: Закотни фақат Рамазон ойида бериш шарт эмас.
Бир кишининг мол-мулки нисобга етиши билан унга
закот вожиб бўлади. Бир йил ўтгач, қайси ойга тўғри
келишидан қатъи назар закотни адо қилиш вожиб бўлади.
Лекин йил тўлмай туриб, закотини берса ёки келажакдаги
бир неча йиллик закотни олдиндан берса ҳам жоиз.
Савол: Ушри берилган ҳосилдан закот бериладими?
Жавоб: Деҳқон ҳосилидан ушр берганидан кейин
уларни сотса, закот чиқарган вақтида сотилган қийматдан
закот чиқаради. Лекин ҳосилни сотмаса, улардан закот
чиқармайди, яъни закот молига қўшилмайди.
Савол:
Омонатга
қўйилган
маблағдан
закот
бериладими?
Жавоб: Омонат қўювчи одам нисоб эгаси бўлса,
омонатга қўйилган маблағдан закот чиқарилади.
Омонатга олган кишига закотни ажратишга изн берилган
бўлса, омонатдор омонатга қўйилган маблағдан закот
ажратса, закот адо бўлади.
Савол: Банкка қўйилган пуллардан закот бериладими?
Жавоб: Банкка қўйилган пул нисобга етиб, бир йил
тўлса ёки ёнидаги пуллари билан нисобга етиб, бир йил
тўлган бўлса, закот беради.
Савол: Қодир бўла туриб, закотни беришни
кечиктириш мумкинми?
Жавоб: Закот фақир, мискинларнинг ҳақи бўлиб, уни
беришни кечиктирган одам гуноҳкор бўлади.
Савол: Ҳаром моллардан закот вожиб бўладими?

---

t.me/Savollar_kanal
Жавоб: Ҳаром мол кимдан олинган бўлса, ўшаларнинг
ҳақи бўлиб, эгалари маълум бўлса, уларга қайтариб
бериш вожиб бўлади. Агар эгалари маълум бўлмаса,
фақирларга садақа қилиниб, савобидан умид қилинмайди.
Шунинг учун бундай моллардан закот вожиб бўлмайди.
Хамр
(маст
қилувчи
ичимлик)
савдоси
билан
шуғулланувчиларга харидорлардан тушган маблағ мулк
бўлмайди. Чунки шариатда ҳаром бўлган нарсалар мол
деб белгиланмайди. Мол бўлмаган нарсанинг эвазига
олинган нарса мулк бўлмайди. Агар ҳалол мол билан
ҳаром мол аралашиб кетса, ҳалол моллар ҳаром молдан
ажратилади ва у нисобга етса, ундан закот берилади. Агар
ҳалол молни ҳаромдан ажратишнинг сира иложи бўлмаса,
барча молдан закот чиқаради.