Бисмиллаҳир роҳМАНир роҳийм қуйида Закот чиқариш қўлланмаси сифатида келтирилган савол-жавоблар шайх Муҳаммад Содиқ

Савол: Ишлаб чиқарувчи корхоналардаги қандай
моллардан закот берилади?
Жавоб: Корхоналарда икки хил мол бўлади:
биринчиси – хомашёлар; иккинчиси – тайёр маҳсулотлар.
Закот бериш пайтида иккаласининг қиймати ҳисобга
олинади. Лекин завод-фабрикаларнинг дастгоҳларидан
закот берилмайди.
Савол: Ҳунармандлар қилган ишларнинг ҳақи нисобга
етган бўлса-ю, лекин уни ҳали олмаган бўлишса ва унга
бир йил айланган бўлса, бундан закот бериладими?
Жавоб: Абу Ҳанифа раҳматуллоҳи алайҳ наздларида
меҳнатга бериладиган ҳақлар қўлга тегмагунича ундан
закот бериш вожиб бўлмайди. Абу Юсуф ва Муҳаммад
раҳматуллоҳи алайҳимоларнинг наздида ҳар қандай
қарздан закот берилади. Шунинг учун закот бериш
эҳтиётлидир.
Савол: Ҳаж учун тўланган маблағдан закот вожиб
бўладими?
Жавоб: Нисобга етадиган маблағга эга бўлиб, бунга

---

t.me/Savollar_kanal
бир йил тўлган пайтда тўланган бўлса, вожиб бўлади.
Савол: Закотни бўлиб-бўлиб адо қилиш мумкинми?
Жавоб: Закотни ажратиб қўйгандан кейин уни бўлиб-
бўлиб бериш жоиз.
Савол: Бир киши бировнинг молидан закот чиқарса,
мол эгасидан закот адо бўладими?
Жавоб: Мол эгаси буюрган ёки ижозат берган бўлса,
закоти адо бўлади. Акс ҳолда закоти адо бўлмайди. Бир
киши бировнинг закотини ўша бировнинг молидан адо
қилса ва мол фақирнинг қўлида турганида мол эгаси унга
ижозат берса, закоти адо бўлади. Аксинча бўлса, яъни
мол эгаси ижозат берганида фақир уни ишлатиб бўлган
бўлса, мол эгасининг закоти адо бўлмайди.
Савол: Яқин қариндошларим ичида закот олишга
ҳақли инсонлар бор. Уларга «Бу менинг закотим», деб
берсам, уларни ёки ўзимни хижолатга қўяман. Шунинг
учун уларга ҳеч қандай сўз айтмай закотимни берсам
бўладими?