Бисмиллаҳир роҳМАНир роҳийм қуйида Закот чиқариш қўлланмаси сифатида келтирилган савол-жавоблар шайх Муҳаммад Содиқ

Савол: Закот пулига китоб чоп қилдириб, ҳақдорларга
текинга китоб тарқатилса, закот адо бўладими?
Жавоб: Шубҳасиз, закот адо бўлиб, илм тарқатишнинг
савобига ҳам эга бўлинади.
Савол: Бир киши ўз закоти ҳисобидан бировни ҳажга
юборса бўладими?
Жавоб: Одатда бизнинг диёримизда ҳажга борувчилар
нисобга эга бўлишади. Бир кишига ҳажга борадиган
даражада закот бериш уни нисобга қодир қилиб қўяди.
Бундай қилиш таҳримий макруҳдир.
Савол: Бир киши закотини вакилга берса, у эса уни
ўзига сарфласа бўладими?
Жавоб: Закот эгаси вакилга: «Закотни хоҳлаган
ерингга сарфлайвер» деса ва вакил закотга ҳақли бўлса,
закотни ўзига сарфласа бўлади. Бу киши вакилининг
фақир аёлига ёки балоғатга етган фақир фарзандига ёки
вакилнинг ўзи фақир бўлса, унинг балоғатга етмаган
фарзандига ҳам сарфласа бўлади.
Савол: Вакил фақир бўлса, мол эгаси вакилга:
«Хоҳлаган кишингизга беринг», деса-ю, вакил закoтни
ўзига олиб қолса, закот адо бўладими?
Жавоб: Адо бўлмайди, чунки «Хоҳлаган кишингизга
беринг» деган ибора вакил қилишни англатади. Агар
вакил закотни ўзига ишлатиб юборган бўлса, гарчи у
закот олишга ҳақдор бўлса ҳам, уни тўлаб беради.
Савол: Бир киши закотини балоғатга етмаган болага
берса, закоти адо бўладими?
Жавоб: Ёш бола закот олишга ҳақли бўлиб, у олган
нарсасини қаерга сарфлашни биладиган даражада бўлса,

---

t.me/Savollar_kanal
жоиз. Балоғатга яқинлашиб қолган болага закот бериш
дуруст. Шунингдек, балоғатга етмаса-да, ташлаб
юбормайдиган ва биров алдаса алданиб қолмайдиган,
қўлга олиш деган нарсани фаҳмлайдиган бўлса жоиздир.
Савол: Уйсиз, кўчада қолган кишига уй олишга
етадиган миқдорда закот берса бўладими?
Жавоб: Бир кишига нисобга қодир бўладиган
миқдорда закот бериш жоиз эмас. Лекин закот берувчи
закотига уй сотиб олиб, закотга ҳақдор кишига «Бу
менинг закотим», деб берса жоиздир. Чунки бунда олувчи
ҳожати аслияга эга бўлиб, ёнида нисоб миқдорича маблағ
ошиб қолмайди. Фақир – нисобга етмаган ёки ҳожати
аслияга ишлатиладиган ўсмайдиган нисобга эга бўлган
кишидир. Ҳожати аслия билан банд бўлган, ўсмайдиган
нисоблар фақирни фақирлигидан чиқармайди. Уйлар ҳам
ҳожати аслия билан банд бўлган, ўсмайдиган молдир.