Бисмиллаҳир роҳМАНир роҳийм қуйида Закот чиқариш қўлланмаси сифатида келтирилган савол-жавоблар шайх Муҳаммад Содиқ

Савол: Закот пули билан бирор кишининг уйини
таъмирлаб берса бўладими ёки уй эгасига мулк қилиб
бериб, «Ўзинг таъмирлаб ол», деса бўладими?
Жавоб: Закот олувчининг фақир бўлиши ва унга
закотнинг мулк қилиб берилиши закотнинг адо бўлиш
шартларидандир. Шунинг учун закот олувчига закотни
мулк қилиб бериш лозим. Закотни олганидан кейин
таъмирлаш ҳаққини закотдан адо қилса бўлади.
Савол: Закот молидан қариндошларининг тўйини
қилиб берса бўладими?
Жавоб: Бундай ҳолатда тўй эгаси қарзга пул олиб, тўй
қилгач, қарзини тўлаши учун унга закот бериш мумкин.
Қарзи бор кишига закот бериш фақирга закот беришдан
кўра афзалдир. Бир киши молининг закотидан фақирнинг
қарзини адо қилса ва бу фақирнинг «Қарзимни тўлаб
қўйинг» деган буйруғи билан бўлса, закоти адо бўлади.

---

t.me/Savollar_kanal
Агар буйруғисиз бўлса, закоти адо бўлмайди. Лекин
фақирнинг қарзи соқит бўлади.
Савол: Закот беришга қодир бўлмаган кишилар закот
олса бўладими?
Жавоб: Ҳозирда кўплаб инсонларнинг ҳузурида турган,
ҳожати аслиядан ташқари фарзандлари учун олиб
қўйилиб, уларга мулк қилиб берилмаган буюмлар (агар
фарзандларга мулк қилиб берилган бўлса, ота-онанинг
мулки ҳисобланмайди), кўчмас мулклар, йилнинг кўп
қисмида ташқарида боқилмайдиган ҳайвонлар, кўтариб
қўйилган уловлар тижорат мақсадида бўлмаса-да, ҳожати
аслиядан ташқари бўлиб, уларнинг қиймати нисобга етса,
бундай кишиларга закот олиш ҳалол бўлмайди.
Савол: Бир киши закотини келини ёки куёвига берса
бўладими?
Жавоб: Агар улар закот олишда эътиборга олинган
етарли маблағга эга бўлмасалар, закот олишлари жоиз.
Закотни ўгай онасига, келинига ёки куёвига бериш жоиз.
Булар закотни олганларидан кейин хоҳлаган кишисига
сарфлашлари мумкин.