Бисмиллаҳир роҳМАНир роҳийм қуйида Закот чиқариш қўлланмаси сифатида келтирилган савол-жавоблар шайх Муҳаммад Содиқ

Савол: Бир неча йиллик закотини бермаган киши
бирданига касод бўлиб қолса, ўтган йиллар учун закот
берадими?
Жавоб: Закот вожиб бўлганидан кейин касодга учраса,
закот соқит бўлади. Лекин фарзни адо қилмагани учун
гуноҳкор бўлади.
Савол: Ўзи яшаш мақсадида уй қуриб, кейинчалик
фикридан қайтиб, уйни сотувга қўйса, ўша уйнинг
қийматидан закот берадими?
Жавоб: Уй сотилмагунча закот бермайди. Фиқҳ
китобларимизда айтилишича, «Шундан кейин тижоратни
ният қилса, сотмагунича тижорат учун ҳисобланмайди.
Сотганидан кейин унинг пулидан закот чиқаради».

---

t.me/Savollar_kanal
Савол: Қурбонлик кунлари сотиш мақсадида ўн-ўн
бешта қўй боқаётган одам қўйларидан закот берадими?
Жавоб: Уйда боқилаётган қўйларнинг қиймати
нисобга етса ёки уларнинг қиймати эгасининг бошқа
молларига қўшилиб нисобга етса ва нисоб эгаси
бўлганига бир йил тўлса, улардан закот чиқаради.
Тижорат моллари қандай нарса бўлмасин, унинг тилла,
кумушдаги қиймати нисобга етса, ундан закот вожиб
бўлади.
Савол:
Турли
коллекция
тўпловчиларнинг
коллекцияси нисоб миқдорига етса, закот берадими?
Жавоб: Китобларда бу ҳақда аниқ фикр айтилмаган.
Лекин бошқа нарсаларга солиштирилганда қуйидаги ҳукм
чиқади: сотиш мақсадида йиғилмаган бўлса, улардан
закот берилмайди. Агар ана шу нарсалар нисоб
миқдорига етган бўлса, зиммасига қурбонлик ва фитр
садақаси вожиб бўлади. Лекин орасида тилла, кумушдан
бўлган буюмлар бўлса ва улар нисобга етса, закот бериш
вожиб бўлади.
Савол: Закот Қуръонда зикри келган тоифаларнинг ҳар
бирига бўлиб-бўлиб бериладими ёки улардан бирига
берса, кифоя қиладими?
Жавоб: Закотни ана шу тоифалардан бирига бериш
билан фуқаҳоларимиз наздида закот адо бўлади.