Бисмиллаҳир роҳМАНир роҳийм қуйида Закот чиқариш қўлланмаси сифатида келтирилган савол-жавоблар шайх Муҳаммад Содиқ

Савол: Вакил закотни ўзи ишлатиб қўйиб, ҳақдор
кишиларга ўзининг ёнидан закот берса, вакил
қилувчининг закоти адо бўлган ҳисобланадими?
Жавоб: Вакил қилувчига билдириб, ижозат бўлганидан
кейин берса, закот адо бўлади.

---

t.me/Savollar_kanal
Савол: Закотни ажратгандан кейин бир кишига уни
қарз сифатида бериб юборса бўладими?
Жавоб: Закот шунчаки ажратиш билан адо бўлмайди,
балки фақирга мулк қилиб бериш билан адо бўлади. Закот
деб ажратиб, уни бировга қарз қилиб, кейин қайтариб
олиш умидида бериш жоиз эмас. Закот олишга ҳақли
бўлган кишига қарз эмас, балки закот деб ният қилиб,
лекин қарз деб берса, закоти адо бўлаверади.
Савол: Аҳмад Холидга «Бирор мискинга бериб қўй»,
деб закотини берса, закот Холиддалигида талафотга
учраса, Аҳмаддан закот адо бўлган бўладими?
Жавоб: Аҳмад закотни қайтадан беради. Агар Холид
закотни сақлашда бепарволик қилган бўлса, омонатдаги
каби, тўлаб беради.
Савол: Закотни масжид имомига берса бўладими?
Жавоб: Масжиднинг имоми тилла ёки кумушдан
бирининг нисобига эга бўлса ёки нисобга эга бўлмаган
имомга имомлиги учун ҳақ сифатида закот берса, закотга
ўтмайди. Лекин закот олишга ҳақли бўлгани учун закот
бериш жоиз.
Савол: Бир киши адашиб, икки йилнинг закотини
берса, кейинги йилга закот бермаса бўладими?
Жавоб: Берган закотидан ортиқчасини кейинги
йилнинг закоти деб ният қилса бўлади. Фиқҳ китобларида
шундай дейилган: «Бир киши ҳузурида аслида тўрт юз
дирҳам пул бўлса-ю, у беш юз дирҳам пулим бор деб
ўйлаб, закотини беш юз дирҳамдан чиқарса, зиёдасини
иккинчи йил учун ҳисоблаши мумкин, чунки унда
молининг зиёдасидан олдиндан закот бериш имкони бор».

---

t.me/Savollar_kanal