Birinchi sinf matematika darslarida individual topshiriqlarni qoʻllash orqali ta’lim sifatini oshirish

Topshiriqning sharti: Ikkitadanmi? yoki bittadanmi?” ta’limiy oʻyin topshirigʻi
1-guruh. Bu uchun insonning yuz qismi boʻsh rasmi beriladi ular unga alohida qirqilgan pushti rangdagi burun, lab va past jigar rangdagi qosh, koʻz, quloq rasmini mos ravishda joylashtirishi kerak. Ular dastlab oʻtilgan bir soni mavzusini mustahkamlash maqsadida bittadan boʻlgan a’zolarni, soʻng esa yangi mavzuni mustahkamlash maqsadida ikkitadan boʻlgan tana a’zolarini joylashtiradilar.
2-guruh uchun esa xuddi shu kabi insonning yuz qismi endi ular oʻzlari avval bittadan boʻlgan tana a’zolarini qizil rangda va ikkitadan boʻlgan tana a’zolarini jigar rangda chizishlari lozim boʻladi.
3-guruh topshirigʻi biroz murakkablashgan holda endi ular biror parranda yoki qushcha rasmini chizadilar. Ikkitadan boʻlgan tana a’zolarini barchasini ogʻzaki aytib beradilar.
1-sinfda ko’pburchaklar mavzusini oʻrganishda ham turli topshiriqlar tuzish mumkin. Ushbu topshiriqqa asosan o’quvchilar geometrik shakllarni kundalik hayotdan izlashlari lozim bo’ladi va buning negizida ularda mantiqiy fikrlashni rivojlantirish, shakllarni esda saqlashda kodlab olish (masalan uchburchak-uyning tomi,to’g’ri to’rtburchak-daftar,kitob va hokazo), rasm chiza olish qobilyatini rivojlantirish, taqqoslash malakalarini rivojlantirishga xizmat qiladi.

2-rasm. “Mosini top” oʻyini

Topshiriq: Berilgan rasmlarga mos shakllarni belgilang. Ushbu shakllardan nima yasash mumkin.
Ushbu topshiriqdan ko’zlangan maqsad qo’l motorikasini rivojlantirish, tasavvurni kengaytirish, geometrik shakllar haqidagi bilimlarni mustahkamlashdan iborat. Bunday topshiriqlarni mustahkamlash darslarida qo’llash maqsadga muvofiq.

uycha
qorbobo

Bundan tashqari, 1-sinfda “Simmetriya”, “Boʻlaklardan butunni, butundan boʻlaklarni hosil qilish” mavzusini oʻtganda “Mozaika”, ”Rebus” lardan ham keng foydalansa boʻladi. Bunday topshiriqlardan ko’zlangan maqsad simmetriya, qism, ulush, yarim, chorak, nimchorak, kasr kabi tushunchalarga o’quvchilarni tayyorlab borish, ushbu mavzular haqidagi dastlabki bilim va ko’nikmani shakllantishdan iborat.

3-rasm. “Mozaika” oʻyini