“Birinchi қo’nғiroқ” bayrami

Maktabni sog’inib.

1-o’quvchi: Sog’inibman maktabim,

Rosayam, buni qarang.

Yurakdan chiqar gapim,

Yurgan ekanman arang.

2-o’quvchi: Qalbimdagi zavqimni

Qandayin bayon qilay?

Etishsang-chi, zo’r ekan

Sog’inganda har qalay......

3-o’quvchi: Sog’intirgan birinchi;

O’qituvchim aslida

Yo’l-yo’rig’in bajardim

Ta’tilda – yoz faslida.

4-o’quvchi: Ikkinchi sog’inganim;

Sinfdosh – tengqurlarim

Ularni ko’rganimda

To’lganday bo’ldi bag’rim.

5-o’quvchi: Birimizga – birimiz,

Gap bermasdan shu asno

Yalab – yulqishar edik

Sog’inib do’stu – oshno.

6-o’quvchi: Sinfimiz eshigichi,

Ochganday bo’ldi quchoq,

Sog’inchu – sevinchimni

Ta’riflash qiyin shu choq.

7-o’quvchi: Qo’ng’iroq jaranglari,

Musiqaday jonga huzur.

Ortiqroq aytgan bo’lsam,

Sog’inchim, uzr-uzr.

8-o’quvchi: O’qishga sho’ng’ib ketdik,

Bo’lib dengizchi, g’avvos.

Fan durlarin terishga

Qo’ydik yanada ixlos!

1-suxandon: Muallimlarni tabriklash uchun so’z navbati 5-sinf o’quvchilariga.

(Quddus Muhammadiyning “Muallim” she’ridan o’qiladi).

1-o’quvchi: Dorga yoysam ro’molimni ohorlab,

Bulbul kuyga solar uni saharlab.

Suv sepaman eshigimga tong bilan,

Muallimim o’tadilar nahorlab.

2-o’quvchi: Muallimim mening shirin qalamim,

Tong mashqidan elga bergan salomim.

Muallimim fayzi bilan orasta,

Kelajagim, elu-yurtim, oromim.

3-o’quvchi: Muallimim – ko’kragimda maqtovim,

Muallimim – mening hayot maktabim.

Muallimim aqli bilan orasta,

Xayolginam, orzuginam, matlabim.

4-o’quvchi: Olqish sizga, mehringizga muallim!

Mehrigiyo zehningizga muallim!

Olqish, quyosh tarovati misoli,

Mehringizga, sehringizga muallim!

5-o’quvchi: Dorga yoysam ro’molimni ohorlab,

Bulbul kuyga solar uni saharlab.

Suv sepaman eshigimga tong bilan,

Muallimim o’tadilar nahorlab.......

2-suxandon: 1-sinflarni tabriklash uchun so’z 11-sinf o’quvchilariga beriladi.

1-suxandon: Birinchi qo’ng’iroqni chalish 11-sinfning a’lochi o’quvchisi bilan 1-sinf o’quvchisiga topshiriladi.

Bayroqdor guruh chiqib ketadi.

11-sinf o’quvchilari 1-sinf o’quvchilariga esdalik sovg’alari berib, maktabga olib kiradilar. Shu vaqtda musiqa yangraydi.

Hamma o’quvchilar o’z ustozlari boshchiligida sinflariga yo’l oladilar.